തലശ്ശേരി മെഡിക്കൽ ഫൗണ്ടേഷൻ സംഘടിപ്പിക്കുന്ന "തലശ്ശേരി എക്സ്പോ 2022" സിറ്റി സെന്റർ ഗ്രൗണ്ടിൽ ആരംഭിച്ചു. എക്സ്പോയുടെ ഭാഗമായി ഫ്ലവർ ഷോ തലശ്ശേരി മുൻസിപ്പൽ ചെയർപേഴ്സൺ ജെമുനാ റാണി ടീച്ചർ ഉദ്ഘാടനം ചെയ്തു. എക്സ്പോ യുടെ ഭാഗമായുള്ള പ്രദർശന സ്റ്റാൾ ഉദ്ഘാടനം തലശ്ശേരി മുൻസിപ്പൽ വൈസ് ചെയർമാൻ വാഴയിൽ ശശിയും, മോട്ടോർ എക്സ്പോ ഐ.എം.എ തലശ്ശേരി പ്രെസിഡന്റും പ്രശസ്ത ഗൈനക്കോളജിസ്റ്റുമായ ഡോ: മിനി ബാലകൃഷ്ണനനും നിർവഹിച്ചു. തുടർന്ന് കപ്പ ടി.വി മാജോ ഫെയിം റെയിഷ് മാർലിൽ നയിക്കുന്ന മ്യൂസിക്ക് നൈറ്റ് പരിപാടി നടന്നു.
ഏപ്രിൽ 29 മുതൽ മെയ് 15 വരെ വിവിധ പരിപാടികളോടെ തലശ്ശേരി എക്സ്പോ നടക്കും. പുഷ്പോത്സവം, മെഡിക്കൽ എക്സിബിഷൻ, സെമിനാർ, ഫുഡ് ഫെസ്റ്റ്, വിപണന മേള, അമ്യൂസ്മെന്റ് പാർക്ക്, വിവിധ കമ്പനികളുടെ വാഹന പ്രദർശനം, നഴ്സറി സ്റ്റാളുകൾ, കലാ പരിപാടികൾ എന്നിവ ഉണ്ടാകും.