.gif)
പയ്യാവൂർ: എസ്പിസി കണ്ണൂർ റൂറലിന്റെ നേതൃത്വത്തിൽ രയരോം ഗവ ഹയർ സെക്കന്ററി സ്‌കൂളിൽ ജലശുചിത്വ യജ്ഞം ജില്ലാതല ഉദ്ഘാടനം സജീവ് ജോസഫ് എംഎൽഎ നിർവ്വഹിച്ചു. കേരള സർക്കാരിന്റെ തെളിനീർ ഒഴുകും നവകേരളം പദ്ധതിയുടെ ഭാഗമായാണ് ജല ശുചിത്വ യജ്ഞം പദ്ധതി നടപ്പാക്കുന്നത്. ഇതിന്റെ ഭാഗമായി കുട്ടികളിൽ പ്രകൃതി സ്നേഹം വളർത്തുകയെന്ന ലക്ഷ്യത്തോടെ എസ്പിസിയുടെ നേതൃത്വത്തിൽ രയറോം പുഴയിൽ ജലനടത്തം സംഘടിപ്പിച്ചത്. ആലക്കോട് പഞ്ചായത്ത് പ്രസിഡണ്ട് ജോജി കന്നിക്കാട്ട് അധ്യക്ഷത വഹിച്ചു. എസ്പിസി റൂറൽ ജില്ല അഡീഷണൽ നോഡൽ ഓഫീസർ സി.വി.തമ്പാൻ നേതൃത്വം നൽകി. ആലക്കോട് ഇൻസ്പെക്ടർ വിനീഷ് കുമാർ മുഖ്യാതിഥിയായി. എസ്പിസി പ്രോജക്റ്റ് അസിസ്റ്റന്റ് ജയദേവൻ,എഎൻഒ വിജയൻ എന്നിവർ സംസാരിച്ചു.
