മലപ്പുറം: സന്തോഷ് ട്രോഫി ഫുട്ബോളില് ക്യാപ്റ്റന് ജിജോ ജോസഫിന്റെ ഇരട്ടഗോള് മികവില് കേരളം ഗ്രൂപ്പ് ചാമ്പ്യന്മാരായി സെമിയിലെത്തി. ഗ്രൂപ്പ് ഘട്ടത്തിലെ അവസാന മത്സരത്തില് കരുത്തരായ പഞ്ചാബിനെ ഒന്നിനെതിരെ രണ്ട് ഗോളുകള്ക്കാണ് കേരളം തോല്പ്പിച്ചത്. ഒരു ഗോളിന് പിന്നിട്ടു നിന്ന ശേഷം രണ്ട് ഗോള് തിരിച്ചടിച്ചാണ് കേരളം വിജയം സ്വന്തമാക്കിയത്. കേരളത്തിനായി 17, 86 മിനുട്ടിലായിരുന്നു ക്യാപ്റ്റന് ജിജോ ജോസഫിന്റെ ഗോളുകള്. തോല്വിയോടെ പഞ്ചാബ് സെമി കാണാതെ പുറത്തായി.