.gif)
ഇരിട്ടി: അറിയപ്പെടുന്ന വാഗ്മിയും പൊതു പ്രവർത്തകനും റിട്ട. അധ്യാപകനുമായ കല്യാട് കെ.സി.പത്മനാഭൻ നമ്പ്യാരുടെ (കെ.സി.പി നമ്പ്യാർ ) സ്മരണയ്ക്കായി അദ്ദേഹത്തിൻ്റെ പുസ്തക ശേഖരം പൂർണ്ണമായും ഇരിട്ടി നൻമ പബ്ലിക് ലൈബ്രറിയിലേക്ക് കൈമാറി കുടുംബാംഗങ്ങൾ മാതൃകയായി. കല്യാട് എ.യു പി സ്ക്കൂൾ റിട്ട. അധ്യാപകനും അറിയപ്പെടുന്ന പ്രഭാഷകനും സാമൂഹിക സാംസ്ക്കാരിക രംഗത്തെ നിറ സാന്നിദ്ധ്യവുമായിരുന്ന കല്ലാട് രാം നിവാസിൽ പരേതനായ കെ.സി.പത്മനാഭൻ നമ്പ്യാരുടെ സ്മരണയ്ക്കായാണ് അദ്ദേഹത്തിൻ്റെ ഭാര്യയും റിട്ട. അധ്യാപികയുമായ ശ്യാമള ടീച്ചർ, മകനും ബംഗലുരുവിൽ ഐ.ടി.ഉദ്യോഗസ്ഥനുമായ വിവേക് എന്നിവർ ചേർന്ന്
വിശ്വ സാഹിത്യകാരൻമ്മാരുടെ അപൂർവ്വ സാഹിത്യ സൃഷ്ടികളടങ്ങിയ പുസ്തശേഖരം പൂർണ്ണമായും നൻമ പബ്ലിക് ലൈബ്രറിയിലേക്ക് കൈമാറിയത്. "ലക്ഷ്യം ലക്ഷം പുസ്തക ശേഖരണത്തിൻ്റെ ഭാഗമായി ലോക പുസ്തകദിനത്തിൽ കല്യാട് രാം നിവാസിൽ വെച്ചു നടന്ന ചടങ്ങിൽ ശ്യാമള ടീച്ചറും മകൻ വിവേകും കെ.സി.പി നമ്പ്യാരുടെ പുസ്തക ശേഖരം നൻമ ഭാരവാഹികളായ വി.പി.സതീശൻ, വി.എം.നാരായണൻ, ഹരീന്ദ്രൻ പുതുശേരി, എന്നിവർക്ക് കൈമാറി.
