.gif)
ഇരിക്കൂർ: ലോക പുസ്തകദിനാചരണത്തിൻ്റെ ഭാഗമായി ഇരിക്കൂർ ഗവ.ഹയർ സെക്കണ്ടറി സ്ക്കൂൾ സർഗ്ഗാങ്കണവായനക്കൂട്ടത്തിൻ്റെ ആഭിമുഖ്യത്തിൽ കുട്ടികളിൽ സർഗ്ഗ വാസന വർധിപ്പിക്കാൻ ചേടിച്ചേരി ദേവാങ്കണവീട്ടുമുറ്റത്ത് സർഗ്ഗാങ്കണം നടത്തി. പരിപാടി കാഞ്ഞങ്ങാട് ഡോ.രാമചന്ദ്രൻ ഉദ്ഘാടനം ചെയ്തു. പി.ടി.എ പ്രസിഡൻ്റ് കെ.കെ.അബ്ദുല്ല ഹാജി അധ്യക്ഷനായി. ജില്ലാ പഞ്ചായത്ത് മെമ്പർ എൻ.പി.ശ്രീധരൻ, പഞ്ചായത്തംഗം മിഥുൻ, ഹെഡ്മിസ്ട്രസ് വി .സി .ഷൈലജ, ഇ.പി.ജയപ്രകാശ്, കെ.പി.സുനിൽകുമാർ എന്നിവർ സംസാരിച്ചു.കാഞ്ഞങ്ങാട് ഡോ രാമചന്ദ്രനെ ചടങ്ങിൽ ആദരിച്ചു. സർഗ്ഗ സംവാദം, പുസ്തക പരിചയം 1 കുട്ടികൾക്കൊപ്പം, രസം നിമിഷങ്ങൾ, ചോദ്യങ്ങൾ, ഉത്തരങ്ങൾ, ഹൃദയപൂർവ്വം, കഥയുടെ രസം തുടങ്ങിയവും നടന്നു.
റിപ്പോർട്ട്: മടവൂർ അബ്ദുൽ ഖാദർ
