അടിച്ചമർത്തപ്പെട്ട ഒരു ജനതയുടെ മോചനത്തിനായി പോരാടി വീരമൃത്യു വരിച്ച തൊഴിലാളികളുടെ പാവനസ്മരണകൾ അയവിറക്കിയാണ് ലോക തൊഴിലാളികൾ മെയ് ഒന്ന് ആചരിക്കുന്നത്. ട്രേഡ് യൂണിയനുകൾ സംയുക്തമായും ഒറ്റക്കും റാലികളും വിവിധ പരിപാടികളും സംഘടിപ്പിച്ച് ലോക തൊഴിലാളി ദിനം ആചരിക്കുന്നു. ഒരു മെയ് ദിനം കൂടി കടന്ന് പോകുമ്പോൾ ഇന്ത്യൻ തൊഴിലാളി വർഗ്ഗം വീണ്ടുമൊരു അടിച്ചമർത്തൽ ഭീക്ഷണി നേരിടുകയാണ്. കേന്ദ്ര സർക്കാർ തൊഴിൽ നീയമങ്ങൾ ഭേതഗതി ചെയ്യ്ത് തൊഴിലാളികളെയും ദരിദ്ര ജനവിഭാഗങ്ങളെയും അടിമകളാക്കി മാറ്റാനുള്ള ശ്രമം നടന്നു വരികയാണ്. പഴയ കാലത്ത് നേടിയെടുത്ത അവകാശങ്ങൾ നിലനിർത്താൻ കൂടുതൽ ചെറുത്ത് നിൽപ്പ് അനിവാര്യമാണ്. ഇതിനായി തൊഴിലാകൾ തയ്യാറായി വരണം. ഈ തൊഴിലാളി ദിനത്തിൽ നമുക്ക് പ്രതിജ്ഞയെടുക്കാം.
റിപ്പോർട്ട്: കെ.ബി ഉത്തമൻ