ഇരിട്ടി ഐ സി ഡി എസ്സിൽ നിന്നും വിരമിക്കുന്ന അങ്കണവാടി പ്രവർത്തകർക്കുള്ള യാത്രയയപ്പ് ചടങ്ങ്

ഇരിട്ടി: ദീർഘകാലത്തെ സേവനത്തിനു ശേഷം ഇരിട്ടി ഐ സി ഡി എസ്സിൽ നിന്നും വിരമിക്കുന്ന അങ്കണവാടി പ്രവർത്തകർക്കുള്ള യാത്രയയപ്പ് ചടങ്ങ് ഇരിട്ടി ബ്ലോക്ക് പഞ്ചായത്ത് പ്രസി.കെ വേലായുധൻ ഉദ്ഘാടനം ചെയ്തു. വാഴുന്നോർ യു.പി.സ്കൂൾ ഹാളിൽ നടന്ന ചടങ്ങിൽ ഷിജിനടുപ്പിമ്പിൽ അദ്ധ്യക്ഷത വഹിച്ചു. സി ഡി പി ഒ ബിജി തങ്കപ്പൻ, സൂപ്പർവൈസർമാർ, ജനപ്രതിനിധികൾ തുടങ്ങിയവർ സംസാരിച്ചു. അംഗൻവാടി ജീവനക്കാരായ ശാന്ത, രമണി, മേരി, ഭാരതി, ഉഷ, സുമിത്ര തുടങ്ങിയവർക്കാണ് യാത്രയയപ്പ് നൽകിയത്.