.gif)
ഉളിക്കൽ: കൗമാര കുട്ടികൾക്കായി നടത്തുന്ന ദിദ്വിന ക്യാമ്പ് - ചിറകിലൂടെ വ്യക്തിത്വവികസനം, കൗമാര ആരോഗ്യം, സൈബർസുരക്ഷ, ഗെയിംസ് എന്നീ വിഷയങ്ങളിലാണ് ക്ലാസ് നടന്നു വരുന്നത്. പുറവയൽ ഗവ. എൽ പി സ്കൂളിൽ ഉളിക്കൽ ഗ്രാമപഞ്ചായത്തും ഇരിക്കൂർ അഡീഷണൽ വനിതാശിശു വികസന വകുപ്പും സംയുക്തമായാണ് രണ്ടു ദിവസത്തെ ക്യാമ്പ് സംഘടിപ്പിച്ചിരിക്കുന്നത്. 37 അങ്കണവാടി പരിധിയിലെ നൂറോളം കുട്ടികളാണ് കേമ്പിൽ പങ്കെടുക്കുന്നത്. മാറിയ കാലത്തിനൊപ്പം കൗമാരക്കാരിലും മാറ്റങ്ങൾ അനിവാര്യമായ കാലഘട്ടമാണിതെന്ന് പി.സി. ഷാജി ഉദ്ഘാടനം ചെയ്തുകൊണ്ട് സംസാരിച്ചു. ഉളിക്കൽ ഗ്രാമ പഞ്ചായത്ത് വൈസ് പ്രസിഡണ്ട് ആയിഷ ഇബ്രാഹിം അധ്യക്ഷത വഹിച്ചു. ഗ്രാമപഞ്ചായത്ത് സെക്രട്ടറി വി.ബാബു ജോസഫ്, ക്ഷേമകാര്യ സ്റ്റാൻഡിങ് കമിറ്റി ചെയർ പേഴ്സൺ ഇന്ദിര പുരുഷോത്തമൻ, വാർഡ് മെമ്പർ രതീഭായി ഗോവിന്ദൻ, സരുൺ തോമസ്, കുടുംബാരോഗ്യ കേന്ദം മെഡിക്കൽ ഓഫീസർ ഡോ. രഞ്ചിത്ത് മാത്യു, പുറവയൽ സ്കൂൾ ഹെഡ്മാസ്റ്റർ കെ.പി.കുമാരൻ, അങ്കണവാടി കമ്മിറ്റി അംഗം അഗസ്റ്റിൻ വേങ്ങകുന്നേൽ, കൗൺസിലർ ഷീന, ഐസിഡിഎസ് സൂപ്പർവൈസർ പ്രഭാവതി എന്നിവർ പ്രസംഗിച്ചു. 5ന് വ്യാഴാഴ്ച വൈകുന്നേരം 4 ന് ക്യാമ്പിന് സമാപന വാകും.
