മാണിയൂർ ഭഗവതി വിലാസം എ.എൽ പി സ്കൂൾ, ഇടൂഴി ഇല്ലം ആയുർവേദ ഫൗണ്ടേഷൻ & ചാരിറ്റബിൾ ട്രസ്റ്റിന്റെയും ആഭിമുഖ്യത്തി ൽ ഔഷധക്കഞ്ഞി വിതരണം നടന്നു. കുട്ടികളിൽ നല്ല ഭക്ഷണ രീതികൾ വാർത്തെടുക്കുന്നതിനും ആഹാരം തന്നെ ഔഷധം എന്ന ആയുർവേദ ഭക്ഷണ കാഴ്ചപാടുകളെ കുറിച്ച് കുട്ടികൾക്ക് അവബോധം നൽകുന്നതിനും ഇടൂഴി ഇല്ലം ആയുർവേദ ഫൗണ്ടേഷൻ ചോരിറ്റബിൾ ട്രസ്റ്റിന്റെ നേതൃത്വത്തിൽ ഭഗവതി വിലാസം എ.എൽ പി സ്കൂളുമായി സഹകരിച്ച് നടത്തുന്ന ഔഷധ കഞ്ഞിയുടെ വിതരണ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.പി. ദിവ്യ ഉദ്ഘാടനം ചെയ്തു.
കുറ്റ്യാട്ടൂർ പഞ്ചായത്ത് പ്രസിഡന്റ് പി.പി.റെജി അധ്യക്ഷത വഹിച്ചു. ഭഗവതിവിലാസം എ.എൽ.പി. സ്കൂൾ ഹെഡ്മാസ്റ്റർ സൻജു ടി.എം സ്വാഗതം പറഞ്ഞു. ഡോ. ഐ ഉണ്ണികൃഷ്ണൻ നമ്പൂതിരി മുഖ്യപ്രഭാഷണം നടത്തി. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ, ഇരിക്കൂർ ബ്ലോക്ക് പഞ്ചായത്ത് ഗ്രാമപഞ്ചായത്ത് പി.കെ. മുനീർ, കുറ്റ്യാട്ടൂർ മെമ്പർ കെ.പി ചന്ദ്രൻ, തളിപ്പറമ്പ് സൗത്ത് ഉപജില്ലാ എ.ഇ.ഒ. സുധാകരൻ ചന്ദ്രത്തിൽ, ഭഗവതി വിലാസം എൽ പി സ്കൂൾ മാനേജർ എ. ലക്ഷ്മണൻ, തളിപ്പറമ്പ് സൗത്ത് ബി.പി.സി. ഗോവിന്ദൻ എടാടത്തിൽ, പി.ടി.എ പ്രസിഡണ്ട് ശിവദാസൻ, എം.പി.ടി.എ പ്രസിഡണ്ട് ഷിനി കെ.പി എന്നിവർ ആശംസ പറഞ്ഞു. സ്റ്റാഫ് സെക്രട്ടറി അജിത കെ.ടി നന്ദി പറഞ്ഞു.