കണിച്ചാർ പൂളക്കുറ്റി മേഖലയിൽ ഉണ്ടായ വൻ ഉരുൾ പൊട്ടലിൽ നാശം വിതച്ച പ്രദേശങ്ങളിലാണ് അഖിലേന്ത്യാ യുവജന ഫെഡറേഷൻ Al Y F ന്റെ നേതൃത്വത്തിൽ യൂത്ത് ഫോഴ്സ് ടീം ശുചീകരണ പ്രവർത്തനവുമായി എത്തിയത്. ദുരന്തം വിതച്ച ,പൂളക്കുറ്റി വെള്ളറ കോളനി, തുണ്ടി ടൗൺ, മരിയാ ഭവൻ,നീടും പുറംചാൽ,നീടും പോയിൽ തുടങ്ങിയ മേഖലകളിൽ യൂത്ത് ഫോഴ്സ് ശുചീകരണം നടത്തി. മലവെള്ളപാച്ചിലിൽ മേഖലയിൽ ചെളിയും, മണ്ണും പാറക്കല്ലുകളും കൊണ്ട് നിറഞ്ഞിരുന്നു. യൂത്ത് ഫോഴ്സിന്റെ നേതൃത്വത്തിൽ ചെളിയും മണ്ണും കല്ലുകളും കോരി മാറ്റി, സി.പി.ഐ നേതാക്കളായ എ പ്രദീപൻ, കെ.ടി ജോസ്, വി ഷാജി, സി.പി എം ജില്ലാ സെക്രട്ടറി എം വി ജയരാജൻ തുടങ്ങിയവർ യൂത്ത് ഫോഴ്സിന് പിന്തുണയുമായി രംഗത്തെത്തി. എ.ഐ.വൈ എഫ് കണ്ണൂർ ജില്ലാ സെക്രട്ടറി കെ.വി രജീഷിന്റെയും പേരാവൂർ മണ്ഡലം സെക്രട്ടറി ആൽബർട്ട് ജോസ് എന്നിവരുടെ നേതൃത്വത്തിലാണ് യൂത്ത് ഫോഴ്സ് മേഖലയിൽ എത്തിയത്.
റിപ്പോർട്ട്: കെ.ബി ഉത്തമൻ