.gif)
തലശ്ശേരി മിനി സിവിൽ സ്റ്റേഷനിലെ ലിഫ്റ്റുകൾ രണ്ടും പ്രവർത്തിക്കുന്നില്ല. അഞ്ചുനില കെട്ടിടത്തിന്റെ മുകൾനിലയിൽ കയറുക ഇതോടെ പ്രയാസമായി. വിവിധ ആവശ്യങ്ങൾക്കായി നിരവധിപേർ എത്തുന്ന കെട്ടിടമാണ്. കെട്ടിടത്തിൽ പ്രവർത്തിക്കുന്ന ഓഫീസുകളിലെ ജീവനക്കാർക്കും ഇതോടെ ബുദ്ധിമുട്ടായി. താലൂക്ക് ഓഫീസ്, ഡി. ഇ. ഒ., എ. ഇ. ഒ., സിവിൽ സപ്ലൈസ്, താലൂക്ക് വ്യവസായം, ക്ഷീരവികസനം, ഭക്ഷ്യസുരക്ഷാ വിഭാഗം, ലാൻഡ് എക്യുസിഷൻ, റവന്യൂ റിക്കവറി എന്നീ ഓഫീസുകൾ പ്രവർത്തിക്കുന്നത് ഇവിടെയാണ്. വൈദ്യുതി നിലച്ചാൽ ലിഫ്റ്റിന്റെ പ്രവർത്തനവും തടസ്സപ്പെടും. ലിഫ്റ്റിൽ കയറിയവർ പലതവണ ലിഫ്റ്റിൽ കുടുങ്ങി. ലിഫ്റ്റിൽ കുടുങ്ങിയവരെ അഗ്നിരക്ഷാസേനയെത്തിയാണ് ഒരുതവണ രക്ഷപ്പെടുത്തിയത്.
