.gif)
പയ്യാവൂർ: നാല് പതിറ്റാണ്ടിനു ശേഷം ഒരിക്കൽ കൂടി അവർ ഒത്തുചേർന്നു. പയ്യാവൂർ സേക്രട്ട് ഹാർട്ട് ഹൈസ്കൂളിലെ 1981-82 ബാച്ചിലെ പൂർവ്വ വിദ്യാർത്ഥി സംഗമം ഓർമ്മ കൂട് എന്ന പേരിൽ വിവിധ പരിപാടികളോടെ സേക്രട്ട് ഹാർട്ട് ഹയർ സെക്കണ്ടറി സ്ക്കൂൾ ഓഡിറ്റോറിയത്തിൽ നടന്നു.ചടങ്ങ് സ്കൂൾ മാനേജർ ഫാ.ജെയിസൺ പള്ളിക്കര ഉദ്ഘാടനം ചെയ്തു.
ജോൺ ലൂക്കോസ് പൗവ്വത്തിൽ അധ്യക്ഷത വഹിച്ചു. അഡ്വ മനു റോയി ആമുഖ പ്രഭാഷണം നടത്തി. പ്രശസ്ത സംഗീതഞ്ജൻ ഡോ.കെ വി ഉണ്ണികൃഷ്ണൻ പയ്യാവൂർ മുഖ്യപ്രഭാഷണം നടത്തി.പത്രപ്രവർത്തന രംഗത്ത് അഞ്ചര പതിറ്റാണ്ട് പിന്നിട്ട മലയോരത്തെ മുതിർന്ന മാധ്യമ പ്രവർത്തകനും സ്കൂൾ പൂർവ്വ വിദ്യാത്ഥിയുമായ തോമസ് അയ്യങ്കാനാൽ, അധ്യാപകൻ എം പി ജോസ് മുട്ടാട്ടുമല, കായിക രംഗത്ത് മികവു തെളിയിച്ച സുജ ഇലവുംമുറി,ഓഫീസ് സ്റ്റാഫായിരുന്ന ജോസഫ് ആക്കാംപറമ്പിൽ,2022-ൽ ഉന്നത വിജയം നേടിയ കുട്ടികൾ എന്നിവരെ ചടങ്ങിൽ ആദരിച്ചു. സിറിയക്ക് എം പി മുട്ടാട്ടുമലയിൽ, മോളി വട്ടകൊട്ടയിൽ, എം പി ജോസ് , മിനി കെ തോമസ് എന്നിവർ പ്രസംഗിച്ചു.
