.gif)
വരുന്ന ഐഎസ്എൽ സീസണിലേക്കുള്ള ഹോം ജഴ്സി പുറത്തിറക്കി കേരള ബ്ലാസ്റ്റേഴ്സ്. മൂന്നാം കിറ്റും എവേ കിറ്റും ഹിറ്റായിരുന്നെങ്കിലും ഹോം കിറ്റ് നിരാശപ്പെടുത്തിയെന്നാണ് ആരാധകർ പറയുന്നത്. പരമ്പരാഗത നിറമായ മഞ്ഞയിൽ കുറുകെ ഒരു വലിയ നീല വരയുമുണ്ട്. ഇവിടെയാണ് സ്പോൺസറിൻ്റെ പേരുള്ളത്. വെള്ള നിറത്തിലുള്ള മൂന്നാം കിറ്റും പർപ്പിൾ കളറിലുള്ള എവേ കിറ്റും ആരാധകർ ഏറ്റെടുത്തിരുന്നു. സെപ്തംബർ 19നാണ് മൂന്നാം കിറ്റ് അവതരിപ്പിച്ചത്. രണ്ട് ദിവസങ്ങൾക്ക് ശേഷം, സെപ്തംബർ 21ന് എവേ കിറ്റും എത്തി.ഈ വർഷം ഒക്ടോബർ ഏഴിന് ഇന്ത്യൻ സൂപ്പർ ലീഗ് ആരംഭിക്കും. കൊച്ചിയിൽ കേരള ബ്ലാസ്റ്റേഴ്സും ഈസ്റ്റ് ബംഗാളും തമ്മിലാണ് ഉദ്ഘാടന മത്സരം. വാരാന്ത്യങ്ങളിൽ കൂടുതൽ മത്സരങ്ങൾ നടക്കുന്ന
രീതിയിലാണ് ഇത്തവണത്തെ ഫിക്സ്ചറുകൾ. എല്ലാ ദിവസവും മത്സരങ്ങൾ നടക്കില്ല.
