.gif)
ശ്രീകണ്ഠപുരം: സമൂഹത്തിൽ വർദ്ധിച്ച് വരുന്ന ലഹരി വിപത്തിനെതിരെ അനാഥരില്ലാത്ത ഭാരതം പ്രസ്ഥാനത്തിന്റെയും കൊട്ടാരക്കര ആശ്രയ സങ്കേതം അഭയ കേന്ദ്രത്തിന്റെയും സംയുക്താഭിമുഖ്യത്തിൽ തിരുവനന്തപുരത്ത് നിന്നും ആരംഭിച്ച കലാജാഥയ്ക്ക് ശ്രീകണ്ഠപുരത്ത് സ്വീകരണം നൽകി. നഗരസഭ ചെയർപേഴ്സൺ ഡോ: കെ വി ഫിലോമിന ഉദ്ഘാടനം ചെയ്തു. വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ത്രേസ്യാമ്മ മാത്യു അധ്യക്ഷയായിരുന്നു. ആരോഗ്യ സ്റ്റാന്റിംഗ് കമ്മിറ്റി ചെയർ പേഴ്സൺ വി പി നസീമ ലഹരി വിരുദ്ധ പ്രതിഞ്ജ ചൊല്ലി കൊടുത്തു. നഗരസഭ കൗൺസിലർമാരായ ജോസഫിന ടീച്ചർ, ജാഥാലീഡർ കെ ശാന്തശിവൻ, കെ സലാഹുദ്ദീൻ, സി അബു മാസ്റ്റർ, ആശയ ജില്ലാ പ്രസിഡന്റ് എം പി ദാമോദരൻ . അഡ്വ: എം പി മോഹനൻ, ഫൽഗുനൻ മേലേടത്ത്, വി സതി, അഭിലാഷ് പ്രാപ്പൊയിൽ, സൗമ്യ ഇസബെൽ, കെ ബിജു, കെ പി ലിഷ, പി സുമയ്യ ടീച്ചർ, നസീമ ഖാദർ, ജിമ്മി മാത്യുഎന്നിവർ പ്രസംഗിച്ചു. കൊട്ടാരക്കര ആശ്രയ അഭയ കേന്ദ്രത്തിലെ കുട്ടികൾ അവതരിപ്പിച്ച ലഘുനാടകം, സംഗീതശില്പം, ഫ്ലാഷ് മോവ് എന്നിവ ജാഥയിൽ അരങ്ങേറി.
