.gif)
ന്യൂ ഇന്ത്യാ ലിറ്ററസി പ്രോഗ്രാമിന്റെ ഭാഗമായി സർവ്വേ വളണ്ടിയർമാർക്കുള്ള ഏകദിന പരിശീലനം ഇരിട്ടി നഗരസഭ വൈസ് ചെയർമാൻ പി.പി.ഉസ്മാൻ ഉദ്ഘാടനം ചെയ്തു. കൗൺസിലർ മുരളീധരൻ അദ്ധ്യക്ഷത വഹിച്ചു. ജില്ലാ സാക്ഷരതാ മിഷൻ അസിസ്റ്റന്റ് കോ.ഓഡിനേറ്റർ ടി.വി.ശ്രീജൻ സർവ്വേ പരിശീലന ക്ളാസെടുത്തു. വിദ്യാഭ്യാസ സ്ഥിരം സമിതി ചെയർപേഴ്സൺ ടി.കെ.ഫസീല, പൊതുമരാമത്ത് സ്ഥിരം സമിതി ചെയർമാൻ കെ.സുരേഷ് എന്നിവർ പങ്കെടുത്തു. നോഡൽ പ്രേരക് ഷൈമ സ്വാഗതം പറഞ്ഞു. ഒക്ടോബർ 2 ന് സർവ്വേ പൂർത്തീകരിക്കാനും മുഴുവൻ നിരക്ഷരരെയും സാക്ഷരനാക്കി ആദ്യത്തെ പരി പൂർണ്ണ സാക്ഷരത നേടിയ നഗരസഭയാക്കാനും തീരുമാനിച്ചു. മുഴുവൻ വാർഡുകളിൽ നിന്നും തിരഞ്ഞെടുത്ത സന്നദ്ധപ്രവർത്തകർ, പ്രേരക്മാരായ രുഗ്മിണി, വിനോദിനി പ്രമോട്ടർമാർ, കുടുംബശ്രീ പ്രവർത്തകർ, തുല്യതാ പഠിതാക്കൾ എന്നിവർ പരിശീലനത്തിൽ പങ്കെടുത്തു.
