ഇരിട്ടി: ഇരിട്ടി വിദ്യാഭ്യാസ ഉപജില്ല ശാസ്ത്രോത്സവം ഒക്ടോ: 14, 15 തിയ്യതികളിൽ ഇരിട്ടി ഹയർ സെക്കണ്ടറി സ്കൂൾ, കീഴൂർ വാഴുന്ന വേഴ്സ് യു പി സ്ക്കൂൾ എന്നിവിടങ്ങളിലായി നടക്കും.
ഇരിട്ടി ഹയർ സെക്കണ്ടറി സ്കൂളാണ് പ്രധാന വേദിയൊരുക്കി ആതിഥ്യം വഹിക്കുന്നത്
കേരളത്തിലെ ഏറ്റവും വലിയ ഉപജില്ലയിലെ 114 ഓളം വിദ്യാലയങ്ങളിൽ നിന്നായി എൽ പി മുതൽ, എച്ച് എസ് എസ് വരെയുള്ള വിഭാഗങ്ങളിലായി മൂവായിരത്തഞ്ഞൂറോളം വിദ്യാർത്ഥികൾ രണ്ടു ദിവസങ്ങളിലായുള്ള വിവിധ മേളകളിലായി പങ്കെടുക്കും.
ശാസ്ത്രമേള നാളെ രാവിലെ 9.30ന് സണ്ണി ജോസഫ് എംഎൽഎ ഉദ്ഘാടനം ചെയ്യും. ഇരിട്ടി നഗരസഭ വൈസ് ചെയർമാൻ പി.പി.ഉസ്മാൻ അധ്യക്ഷനാകും. ഇരിട്ടി ഉപജില്ല വിദ്യാഭ്യാസ ഓഫിസർ ജി.ശ്രീകുമാർ മുഖ്യ പ്രഭാഷണം നടത്തും. കൊവിഡ് കാല പ്രതിസന്ധികൾക്കു ശേഷം നടക്കുന്നഎറ്റവും വലിയ ശാസ്ത്രമേള കുറ്റമറ്റ രീതിയിൽ നടത്തുന്നതിനും മികവിൻ്റെ മേളയാക്കി മാറ്റുന്നതിനുമായി . പൂർവ വിദ്യാർത്ഥികൾ, രക്ഷിതാക്കൾ, മാനേജ്മെൻ്റ് വിവിധ സന്നദ്ധ സംഘടനകൾ, അധ്യാപകർ എന്നിവരുൾപ്പെടുന്ന നേതൃത്വത്തിൽജനകീയ പങ്കാളിത്തത്തോടെയുള്ള സംഘാടക സമിതിയുടെ നേതൃത്വത്തിൽ വിപുലമായ ഒരുക്കങ്ങളാണ് നടത്തിയിരിക്കുന്നത്.
ഇതിൻ്റെ ഭാഗമായി ഇരിട്ടി ഹയർ സെക്കണ്ടറി സ്കൂളിൽ പ്രധാന വേദിയൊരുങ്ങുന്ന ശാസ്ത്രമേളയുടെ വിജയത്തിനായുള്ള പൂർവ വിദ്യാർത്ഥികളുടെ പങ്കാളിത്തവും സഹകരണവും
ഇരിട്ടി ഉപജില്ല ശാസ്ത്രമേളയുടെ ചരിത്രത്തിലെ മാതൃകാപരമായ കൂട്ടായ്മയുടെ വിജയമാതൃകയാവുകയാണ്.
ഏറെക്കാലങ്ങൾക്കു ശേഷം ഇരിട്ടി ഹയർ സെക്കണ്ടറി സ്കൂളിൽ നടക്കുന്ന ശാസ്ത്രമേളയുടെ വിജയത്തിനായി പൂർവ്വ വിദ്യാർത്ഥി - സന്നദ്ധ സംഘടനകളും രക്ഷിതാക്കളും അധ്യാപകരും, മാനേജ്മെൻ്റും ഉൾപ്പെടുന്ന ജനകീയ കൂട്ടായ്മകളുടെ നേതൃത്യത്തിൽ ചിട്ടയായ സംഘാടന പ്രവർത്തനങ്ങളാണ് നടത്തി വരുന്നത്.