അമൃത ടി വി മുന് ബ്യൂറോ ചീഫായിരുന്ന ഗോപീകൃഷ്ണന് എ സി വി, കൗമുദി ടിവി എന്നീ സ്ഥാപനങ്ങളിലും പ്രവര്ത്തിച്ചിട്ടുണ്ട്. പത്രപ്രവര്ത്തക യൂണിയന്റെ മുന് ജില്ലാ ജോയിന്റ് സെക്രട്ടറിയായിരുന്നു. തിരുവനന്തപുരം മെഡിക്കല് കോളജില് വെച്ചായിരുന്നു അന്ത്യം. മാധ്യമമേഖലയ്ക്ക് പുറത്ത് കലാരംഗത്ത് വലിയ സൗഹൃദ ബന്ധങ്ങളുണ്ടായിരുന്ന ഗോപീകൃഷ്ണന് ഗായക സംഘമായ എം ബി എസ് യൂത്ത് ക്വയറിലെ സജീവ സാന്നിധ്യമായിരുന്നു. പ്രശസ്ത കഥകളി നടനായ ചിറക്കര മാധവന് കുട്ടി ആശാനെക്കുറിച്ച് മായാമുദ്രയെന്ന ഡോക്യുമെന്ററി സംവിധാനം ചെയ്തു. ഗിരീഷ് കര്ണാട് രചിച്ച് അമിതാഭ് ബച്ചനും ജാക്കി ഷെറഫും മുഖ്യ വേഷങ്ങളില് എത്തിയ അഗ്നിവര്ഷ എന്ന ബോളിവുഡ് ചിത്രത്തില് എം ബി എസ് യൂത്ത് ക്വയറിലെ അംഗങ്ങള്ക്കൊപ്പം അഭിനേതാവായി. ഭാര്യ: നിഷ കെ നായര്(വാട്ടര് അതോറിറ്റി പി ആര് ഒ). ഭൗതികശരീരം മെഡിക്കല് കോളജ് ആശുപത്രിയില് നിന്ന് ഏണിക്കരയിലെ വീട്ടിലേക്ക് കൊണ്ടു പോയി. നാളെ (തിങ്കൾ )ഉച്ചയ്ക്ക് 12.45 ന് പ്രസ് ക്ലബില് പൊതുദര്ശനത്തിന് വെക്കും. സംസ്കാരം രണ്ടു മണിക്ക് തൈക്കാട് ശാന്തികവാടത്തില് നടക്കും. : ഗോപീകൃഷ്ണന്റെ നിര്യാണത്തില് മുഖ്യമന്ത്രി പിണറായി വിജയന് , പ്രതിപക്ഷ നേതാവ് വി.ഡി സതീശൻ , കേരള മീഡിയ പേഴ്സൺ യൂണിയൻ സംസ്ഥാന പ്രസിഡന്റ് എം റഫീഖ്, ജനറൽ സെക്രട്ടറി സുവീഷ് ബാബു, ട്രഷറർ ഷാഫി ചങ്ങരംകുളം, സംസ്ഥാന കോർ കമ്മിറ്റി ചെയർമാൻ വി.സെയ്ത്, കൺവീനർ പീറ്റർ ഏഴിമല എന്നിവർ അനുശോചനം അറിയിച്ചു.
Sunday 13 November 2022
മാധ്യമപ്രവര്ത്തകന് ജി എസ് ഗോപീകൃഷ്ണന്(48) അന്തരിച്ചു.
Tags
# .kannur
# kerala news
About We One Kerala
We One Kerala
kerala news
Tags
.kannur,
kerala news