ഉളിക്കൽ: കേരള സംസ്ഥാന യുവജനക്ഷേമ ബോർഡിന്റെ നിർദ്ദേശപ്രകാരം നടത്തുന്ന കേരളോത്സവത്തിന്റെ ഉളിക്കൽ പഞ്ചായത്ത്തല സംഘാടകസമിതി ഗ്രാമപഞ്ചായത്ത് കാര്യാലയത്തിൽ വച്ച് രൂപീകരിച്ചു. ഗ്രാമപഞ്ചായത്ത് വൈസ് പ്രസിഡന്റ് ആയിഷ ഇബ്രാഹിം അധ്യക്ഷത വഹിച്ച ചടങ്ങ് ഗ്രാമപഞ്ചായത്ത് പ്രസിഡന്റ് പി. സി ഷാജി ഉദ്ഘാടനം ചെയ്തു. സ്റ്റാൻഡിങ് കമ്മിറ്റി ചെയർമാൻമാരായ അഷറഫ് പാലിശ്ശേരി, ഒ.വി ഷാജു, ഇന്ദിര പുരുഷോത്തമൻ പഞ്ചായത്ത് അംഗങ്ങളായ ടോമി മൂക്കനോലി, സമീറ പള്ളിപ്പാത്ത്, നോബിൻ പി. എ, മിനി ഈറ്റിശ്ശേരി, പഞ്ചായത്ത് സെക്രട്ടറി ഉണ്ണികൃഷ്ണൻ,സീനിയർ ക്ലർക്ക് ദീപു കെ.ജെ, യുവജനക്ഷേമ ബോർഡ് കോഡിനേറ്റർ അബിൻ വടക്കേകര, വിവിധ യുവജനസംഘടന -ക്ലബ് ഭാരവാഹികൾ എന്നിവർ പങ്കെടുത്തു..
കേരളോത്സവത്തിൽ പങ്കെടുക്കാൻ താല്പര്യമുള്ള
ഉളിക്കൽ ഗ്രാമപഞ്ചായത്തിൽ സ്ഥിര താമസക്കാരായ 15 വയസ്സ് മുതൽ 40 വയസ്സ് വരെ പ്രായപരിധിയിലുള്ള മത്സരാർത്ഥികൾ നിശ്ചിത അപേക്ഷാഫോറത്തിൽ പഞ്ചായത്ത് മെമ്പറുടെ പക്കലോ പഞ്ചായത്ത് കാര്യാലയത്തിലോ നവംബർ 11 വൈകുന്നേരം 5 മണിക്ക് മുൻപായി അപേക്ഷ എത്തിക്കണമെന്ന് ഭാരവാഹികൾ അറിയിച്ചു. സംശയങ്ങൾക്ക് 94473 86288,9074833876, 97452 19596