.gif)
അമ്പലക്കണ്ടിയിൽ സാമൂഹ്യ വിരുദ്ധരുടെ വിളനിലമാകുന്നതായി പരാതി.ആറളം പഞ്ചായത്തിന്റെ അമ്പലക്കണ്ടിയിലാണ് കച്ചവട സ്ഥാപനത്തിന്റെ പൂട്ട് പൊളിച്ച് മോഷണത്തിന് ശ്രമിച്ചത്. വെള്ളോം പറമ്പിൽ ദിലീപിന്റെ കച്ചവട സ്ഥാപനത്തിന്റെ പൂട്ടാണ് പൊളിക്കാൻ ശ്രമമുണ്ടായത്. ഇത് രണ്ടാം തവണയാണ് പൂട്ട് പൊളിക്കാൻ ശ്രമിക്കുന്നതെന്ന് ദിലീപിന്റെ ഭാര്യ സിന്ധു പറഞ്ഞു. സാമൂഹ്യ വിരുദ്ധരാണ് ഇത്തരം സംഭവങ്ങൾക്ക് പിന്നിലെന്ന് സംശയിക്കുന്നതായും അവർ പറഞ്ഞു ആദ്യ സംഭവം ഉണ്ടായപ്പോൾ തന്നെ പോലീസിൽ പരാതി നൽകിയിട്ടുണ്ട്. അമ്പലക്കണ്ടി ടൗണിൽ സി സി ടി വി സ്ഥാപിച്ചാൽ സാമൂഹ്യ വിരുദ്ധരുടെ വിളയാട്ടം അവസാനിപ്പിക്കാൻ കഴിയുമെന്നാണ് ഇവർ പറയുന്നത്.
