ആറളം ഫാമിനെ കരകയറ്റാൻ ആവുന്നതെല്ലാം ചെയ്യും ഫാം എം.ഡി. മേഘശ്രി ഐ എ എസ്.

ആറളം ഫാമിനെ കരകയറ്റാൻ ആവുന്നതെല്ലാം ചെയ്യും ഫാം എം.ഡി. മേഘശ്രി ഐ എ എസ്. സർക്കാരിന്റെ എല്ലാ വകുപ്പുകളെയും സംയോജിപ്പിച്ച് ആറളം ഫാം വികസനം പ്രാവർത്തികമാക്കുമെന്ന് ആറളം ഫാം മാനേജിങ്  ഡയറക്ട്ടറും ജില്ലാ വികസന കമ്മീഷണറുമായ മേഘശ്രീ ഐ എ എസ് പറഞ്ഞു മാധ്യമങ്ങൾക്ക് നൽകിയ അഭിമുഖത്തിലാണ് അവർ ഫാമിന്റെ സമഗ്ര വികസനമാണ് ലക്ഷ്യമെന്ന് പറഞ്ഞത് തൊഴിലാളികളുടെ മുടങ്ങി കിടക്കുന്ന ശമ്പളം നൽകാൻ പരിശ്രമിച്ചു വരികയാണെന്നും ഉടൻ പരിഹാരം കാണുമെന്നും അവർ പറഞ്ഞു. കഴിഞ്ഞ ആഴ്ച്ചയാണ് എം ഡിയുടെ ചുമതല ഡി ആർ മേഘ ശ്രീ ഐ എ എസ് ഏറ്റെടുത്തത്. ടൂറിസം, കാർഷികം തുടങ്ങിയ മേഖലകളിൽ ഒരു പാട് മുന്നോട്ട് പോകാൻ കഴിയുമെന്നും ഇതിനായി ചർച്ച നടത്തിവരികയാണെന്നും എം ഡി പറഞ്ഞു. വന്യമൃഗ ശല്യം തടയാൻ വനം വകുപ്പുമായി ചേർന്ന് പദ്ധതി നടപ്പാക്കാൻ ആലോചിക്കുന്നതായി അവർ പറഞ്ഞു റിപ്പോർട്ട്: കെ.ബി. ഉത്തമൻ