തദ്ദേശ ഉപതെരഞ്ഞെടുപ്പില് യു.ഡി.എഫ് നേടിയ ഉജ്ജ്വല വിജയം എല്.ഡി.എഫിന്റെ അഹങ്കാരത്തിനും ധാര്ഷ്ട്യത്തിനും ജനം കാത്തിരുന്ന് നല്കിയ മറുപടിയാണെന്ന് പ്രതിപക്ഷ നേതാവ് വി.ഡി സതീശൻ. എല്ലാ കോട്ടകളും ഞങ്ങള് പൊളിക്കും. വരാനിരിക്കുന്ന തിരഞ്ഞെടുപ്പുകളിലും യു.ഡി.എഫ് വിജയക്കൊടി പാറിക്കുമെന്ന് ഉറപ്പാണ്. ഉപതെരഞ്ഞെടുപ്പില് യു.ഡി.എഫിന് ഉജ്ജ്വല വിജയം നല്കിയ ജനാധിപത്യ വിശ്വാസികളെ അഭിവാദ്യം ചെയ്യുന്നുവെന്ന് അദ്ദേഹം പറഞ്ഞു 29 തദ്ദേശ വാര്ഡുകളിലേക്ക് നടന്നഉപതിരഞ്ഞെടുപ്പില് യു.ഡി.എഫ് കുതിപ്പാണ്. ഏഴ് സീറ്റുകള് ഉണ്ടായിരുന്ന യു.ഡി.എഫ് 15 സീറ്റുകള് നേടി തിളങ്ങുന്ന വിജയം സ്വന്തമാക്കി. സി.പി.ഐ.എമ്മിന്റേയും ബി.ജെ.പിയുടേയും കോട്ടകളെന്ന് അവര് അവകാശപ്പെട്ടിരുന്ന മേഖലകളില് യു.ഡി.എഫ് ഉജ്ജ്വല വിജയം നേടി.