ഇത് ആറളം ഫാമിലെ പന്ത്രണ്ടാം ബ്ലോക്ക് ലോകകപ്പ് ഫുട്ബോൾ മാമാങ്കം ഖത്തറിൽ തുടക്കം കുറിക്കുമ്പോൾ ആറളം ആദിവാസി മേഖലയിലും ടീമുകളുടെ ആരാധകർ ആവേശ തിരയിളക്കം സൃഷ്ടിക്കുകയാണ് പന്ത്രണ്ടാം ബ്ലോക്കിലെ കൊച്ചുമണിയും കൂട്ടരും ബ്രസീൽ ആരാധകരായി കളത്തിലിറങ്ങുകയാണ്. റോഡ് സൈഡ് മഞ്ഞ കൊണ്ട് അലങ്കരിച്ചും ബ്രസിൽ താരങ്ങളുടെ ഫ്ലക്സ് ബോർഡുകൾ സ്ഥാപിച്ചും താരങ്ങളോട് ഐക്യദാർഢ്യം പ്രഖ്യാപിക്കുകയാണ് ഇവർ. കുട്ടികളും പ്രായമായവരും ലോകകപ്പ് ആവേശത്തിലാണ്. ആറളം ഫാമിലെ ചെറിയ കവലകൾ പോലും വിവിധ രാജ്യങ്ങളിലെ ടീമുകളുടെ ഫ്ലക്സ് ബോർഡുകളാൽ നിറഞ്ഞിരിക്കുകയാണ് വൈകുന്നേരങ്ങളിൽ വീട്ടുമുറ്റത്തും കോർട്ടുകളിലും ടീമുകൾ മാറ്റുരക്കും ഓരോ രാജ്യങ്ങൾക്കും ഒരോ ടീമായാണ് ഇവിടെ മാറ്റുരക്കുന്നത് ബ്രസിൽ, അർജന്റീന, ജർമ്മിനി, ഇറ്റലി, ഫ്രാൻസ്, സ്പൈൻ, പോളണ്ട് തുടങ്ങിയ രാജ്യങ്ങൾക്കെല്ലാം ആരാധകരുണ്ട്. ആറളം ഫാമിൽ പന്ത്രണ്ടാം ബ്ലോക്കിൽ ബ്രസീൽ ആരാധകരാണ് കൂടുതൽ കൊച്ചു മണിയും കൂട്ടും മഞ്ഞ ജഴ്സിയണിഞ്ഞ് ബ്രസീലിന് വേണ്ടി കളിക്കുകയാണ്.
റിപ്പോർട്ട്: കെ.ബി. ഉത്തമൻ