ആറളം ഗവ: ഹയർ സെക്കണ്ടറി സ്ക്കൂളിലെ ലഹരി വിരുദ്ധ ക്ലബ്ബിൻ്റെയും എൻ എസ് എസ്, എസ് പി സി യൂണിറ്റുകളുടെയും സംയുക്താഭിമുഖ്യത്തിലാണ് വിദ്യാർത്ഥികൾ ലഹരി വിരുദ്ധ സന്ദേശ റാലിയും മനുഷ്യ ചങ്ങലയും നിർമ്മിച്ചത്. ആറളം ടൗൺ മുതൽ സ്കൂൾ വരെ തീർത്ത മനുഷ്യചങ്ങല ആറളം ഗ്രാമപഞ്ചായത്ത് പ്രസിഡണ്ട് കെ.പി.രാജേഷിൻ്റെ അധ്യക്ഷതയിൽ ഇരിട്ടി ബ്ലോക്ക് പഞ്ചായത്ത് പ്രസിഡണ്ട്. കെ.വേലായുധൻ ഉദ്ഘാടനം ചെയ്തു. ശേഷം സ്റ്റാഫ് സെക്രട്ടറി സക്കരിയ പി.പി ചൊല്ലിക്കൊടുത്ത ലഹരി വിരുദ്ധ പ്രതിജ്ഞ കുട്ടികൾ ഏറ്റുചൊല്ലി. വാർഡ് മെമ്പർമാരായ ഷീബ രവി, ഷൈൻ ബാബു, അബ്ദുൾ നാസർ ചാത്തോത്ത്, ഇ.പി മേരിക്കുട്ടി, പി.ടി.എ പ്രസിഡണ്ട് പ്രേമദാസൻ കൊച്ചോത്ത്, വൈസ് പ്രസിഡണ്ട് എൻ.കെ ഷറഫുദ്ദീൻ, മദർ പി.ടി.എ പ്രസിഡണ്ട് സജിന ബാബു, അധ്യാപകർ,പോലീസുകാർ എന്നിവർ ചടങ്ങിൽ സംബന്ധിച്ചു. സ്കൂൾ പ്രിൻസിപ്പാൾ കെ.കെ.സുരേന്ദ്രൻ സ്വാഗതവും സ്റ്റാഫ് സെക്രട്ടറി സക്കരിയ പി.പി.നന്ദിയും പറഞ്ഞു.
റിപ്പോർട്ട്: കെ ബി.ഉത്തമൻ