കേരളപ്പിറവി ദിനത്തിൽ ലഹരിക്കെതിരെ പുസ്തക ചങ്ങല തീർത്ത് നന്മ പബ്ലിക് ലൈബ്രറി

ഇരിട്ടി: അക്ഷരമാണ്  ലഹരി വായനയാണ് ലഹരി എന്ന സന്ദേശവുമായി കേരളപ്പിറവി ദിനത്തിൽ ലഹരിവിപത്തിനെതിരെഇരിട്ടി നൻമ പബ്ലിക് ലൈബ്രറിയുടെ നേതൃത്വത്തിൽ സംഘടിപ്പിച്ച പുസ്തകചങ്ങല പ്രസിഡണ്ട് കെ.സുരേശൻ മാസ്റ്റർ ഉദ്ഘാടനം ചെയ്തു.സെക്രട്ടറി ഹരീന്ദ്രൻ പുതുശേരി ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. സുമ സുധാകരൻ അധ്യക്ഷയായി. ആർ.കെ.മിനി, സന്തോഷ് കോയിറ്റി, പി.വി.പ്രേമവല്ലി , വി.പി.സതീശൻ, കെ.മോഹനൻ, പ്രീത ബാബു, സി.കെ.ലളിത ടീച്ചർ എന്നിവർ നേതൃത്വം നൽകി.