.gif)
പടിയൂർ: പടിയൂർ - കല്ല്യാട് ഗ്രാമ പഞ്ചായത്ത് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി വികസന പ്രവർത്തനങ്ങൾ നടത്തുന്നതിനുള്ള പദ്ധതികൾ തയാറാക്കുന്നതിനുള്ള മുന്നൊരുക്ക പ്രവർത്തനങ്ങൾ ആരംഭിച്ചു. നീരുറവ് എന്ന സർക്കാർ പദ്ധതിയുമായി യോജിപ്പിച്ചാണ് പരിപാടി സംഘടിപ്പിക്കുന്നത്. പഞ്ചായത്തിലെ 12 നീർത്തടങ്ങളിലും യാത്ര നടത്തിയാണ് പദ്ധതികൾ ആവിഷ്കരിക്കുന്നത്. നീർച്ചാൽ നടത്തത്തിന്റെ പഞ്ചായത്ത് തല ഉദ്ഘാടനം തിരൂർ നീർത്തടത്തിൽ പഞ്ചായത്ത് പ്രസിഡണ്ട് ബി.ഷംസുദ്ധീൻ നിർവഹിച്ചു. വൈസ് പ്രസിഡണ്ട് ആർ.മിനി അദ്ധ്യക്ഷത വഹിച്ചു. വാർഡ് മെമ്പർമാരായ സിനി സന്തോഷ്,സുനിത, നിഷ,ആർ.രാജൻ, മുൻ വൈസ് പ്രസിഡണ്ട് ശ്രീജ, മുൻ വാർഡ് മെമ്പർ കെ.ടി മാത്യു, വി.ഇ.ഒമാർ, എംജി.എൻ.ആർ.ഇ.ജി.എസ്,എ.ഇ, ഓവർസിയർ, അക്കൗണ്ടന്റ്മാർ തുടങ്ങിയവർ പങ്കെടുത്തു.
