സബ് ജില്ലാ സ്ക്കൂൾ കലോത്സവം : 200 ൽ അധികം മത്സരാത്ഥികളെ പങ്കെടുപ്പിച്ച് ആറളം ഫാം ഗവ: ഹയർ സെക്കന്ററി സ്കൂൾ : ആറളം ആദിവാസി പുനരധിവാസ മേഖലയിൽ പ്രവർത്തിക്കുന്ന സ്ക്കൂളാണ് സബ് ജില്ലാ സ്കൂൾ കലോത്സവത്തിൽ 200 ൽ അധികം മത്സരാത്ഥികളെ പങ്കെടുപ്പിച്ച് ശ്രദ്ധേയമായത്. ഒന്നു മുതൽ ഹൈസ്ക്കൂൾ വരെ 630 ൽ അധികം കുട്ടികളാണ് ഇവിടെ പഠിക്കുന്നത് എല്ലാ വിദ്യാർത്ഥികളും പട്ടിക വർഗ്ഗ വിഭാഗത്തിലുള്ള വിദ്യാർത്ഥികൾ എന്നതാണ് ഇവിടുത്തെ പ്രത്യേകത അദ്ധ്യാപിക -അദ്ധ്യാപകരുടെ നിസ്വാർഥ സേവനവും ഇടപെടലുമാണ് ഇത്രയധികം കുട്ടികളെ പരിശീലിപ്പിച്ച് കലോത്സവ വേദികളിൽ പങ്കെടുപ്പിക്കാൻ കഴിഞ്ഞത്.
നിരവധി വിദ്ധ്യാർത്ഥികൾ ജില്ലാ തലത്തിൽ മത്സരത്തിൽ പങ്കെടുക്കാൻ യോഗ്യത നേടിയെന്നതും ശ്രദ്ധേയമാണ്. സബ് ജില്ലാ തലത്തിൽ വിജയികളായവർക്കുള്ള സർട്ടിഫിക്കറ്റുകളും സമ്മാനങ്ങളും സ്കൂളിൽ നടന്ന ചടങ്ങിൽ ആറളം പഞ്ചായത്ത് പ്രസിഡന്റ് കെ.പി രാജേഷ് വിതരണം ചെയ്യ്തു സ്ക്കൂൾ പ്രിൻസിപ്പാൾ സുനിൽ കരിയാടൻ,പ്രധാന അദ്ധ്യാപകൻ ടി തിലകൻ , സീനിയർ അദ്ധ്യാപകരായ ഒ.പി സോജൻ , ഡോ: രാഖീ രാജ്, എ പി ശ്രീജ, രബീന്ദ്ര ബാബു , അനുഷ ജയേഷ്, റീന ടീച്ചർ, സിന്ധ്യ ടീച്ചർ, ഇന്ദ്രജ ടീച്ചർ, അനൂപ് മാസ്റ്റർ, ജോൺ മാസ്റ്റർ, സച്ചിൻ മാസ്റ്റർ, ശശികല ടീച്ചർ, എം സി വിജയൻ , തുടങ്ങിയവർ പങ്കെടുത്തു. റിപ്പോർട്ട് : കെ ബി ഉത്തമൻ