കല്ല്യാശ്ശേരി മണ്ഡലം സമഗ്ര വിദ്യാഭ്യാസ പരിപാടിയുടെ ഭാഗമായി ഹൈസ്കൂൾ, ഹയർസെക്കണ്ടറി അധ്യാപകർക്കും പിടിഎ അംഗങ്ങൾക്കും 'ഉയരാം പറക്കാം' പരിശീലനം സംഘടിപ്പിച്ചു. മാടായി ബ്ലോക്ക് റിസോഴ്സ് സെന്ററിൽ എം വിജിൻ എം എൽ എ ഉദ്ഘാടനം ചെയ്തു. എസ് എസ് എൽ സി, പ്ലസ് വൺ, പ്ലസ് ടു പൊതു പരീക്ഷകൾക്ക് തയ്യാറെടുക്കുന്ന വിദ്യാർഥികൾക്കായി നടപ്പാക്കുന്ന പദ്ധതിയാണ് 'ഉയരാം പറക്കാം'. വിദ്യാർഥികളിൽ ലക്ഷ്യബോധം സൃഷ്ടിച്ച് ആത്മവിശ്വാസത്തോടെ പരീക്ഷയെ അഭിമുഖീകരിക്കാൻ പ്രാപ്തരാക്കുകയാണ് ലക്ഷ്യം. കൊവിഡാനന്തര കാലത്തെ കുട്ടികളുടെ മാറ്റങ്ങൾ തിരിച്ചറിയുക, സ്വയം വിലയിരുത്തലിലൂടെ വിദ്യാർഥികളുടെ ലക്ഷ്യങ്ങളും കഴിവുകളും ദൗർബല്യങ്ങളും കണ്ടെത്താൻ സഹായിക്കുക, പഠനശേഷികളും പഠനശീലങ്ങളും രൂപപ്പെടുത്തുക, മാനസിക സംഘർഷം കുറക്കുക തുടങ്ങിയവക്ക് പ്രാധാന്യം നൽകിയാണ് ശിൽപശാല സംഘടിപ്പിച്ചത്. 16 വിദ്യാലയങ്ങളിൽ നിന്നുള്ള ഓരോ ഹൈസ്കൂൾ, ഹയർസെക്കണ്ടറി അധ്യാപകരും പി ടി എ പ്രതിനിധിയുമാണ് പങ്കെടുത്തത്. ജനുവരി, ഫിബ്രവരി മാസങ്ങളിൽ എസ് എസ് എൽ സി, പ്ലസ് വൺ, പ്ലസ് ടു വിദ്യാർഥികൾക്ക് പൊതുപരീക്ഷക്ക് ഒരുങ്ങാൻ പരിശീലനം നൽകും. തളിപ്പറമ്പ് ഡിഇഒ എ എം രാജമ്മ അധ്യക്ഷത വഹിച്ചു. ഹയർസെക്കണ്ടറി അധ്യാപകരായ ലിതേഷ് കോളയാട്, എൻ രാജേഷ് എന്നിവർ ക്ലാസെടുത്തു. എസ് എസ് കെ ജില്ലാ പ്രൊജക്ട് കോ ഓർഡിനേറ്റർ ഇ സി വിനോദ് മുഖ്യാഥിയായി. മാടായി എ ഇ ഒ ടി വി അജിത, ഹയർ സെക്കണ്ടറി സബ്ജില്ലാ കോ ഓർഡിനേറ്റർ എൻ രാജേഷ്, മാടായി ബിപിസി എം വി വിനോദ്കുമാർ തുടങ്ങിയവർ സംസാരിച്ചു.
കല്ല്യാശ്ശേരി മണ്ഡലം സമഗ്ര വിദ്യാഭ്യാസ പരിപാടിയുടെ ഭാഗമായി ഹൈസ്കൂൾ, ഹയർസെക്കണ്ടറി അധ്യാപകർക്കും പിടിഎ അംഗങ്ങൾക്കും 'ഉയരാം പറക്കാം' പരിശീലനം സംഘടിപ്പിച്ചു. മാടായി ബ്ലോക്ക് റിസോഴ്സ് സെന്ററിൽ എം വിജിൻ എം എൽ എ ഉദ്ഘാടനം ചെയ്തു. എസ് എസ് എൽ സി, പ്ലസ് വൺ, പ്ലസ് ടു പൊതു പരീക്ഷകൾക്ക് തയ്യാറെടുക്കുന്ന വിദ്യാർഥികൾക്കായി നടപ്പാക്കുന്ന പദ്ധതിയാണ് 'ഉയരാം പറക്കാം'. വിദ്യാർഥികളിൽ ലക്ഷ്യബോധം സൃഷ്ടിച്ച് ആത്മവിശ്വാസത്തോടെ പരീക്ഷയെ അഭിമുഖീകരിക്കാൻ പ്രാപ്തരാക്കുകയാണ് ലക്ഷ്യം. കൊവിഡാനന്തര കാലത്തെ കുട്ടികളുടെ മാറ്റങ്ങൾ തിരിച്ചറിയുക, സ്വയം വിലയിരുത്തലിലൂടെ വിദ്യാർഥികളുടെ ലക്ഷ്യങ്ങളും കഴിവുകളും ദൗർബല്യങ്ങളും കണ്ടെത്താൻ സഹായിക്കുക, പഠനശേഷികളും പഠനശീലങ്ങളും രൂപപ്പെടുത്തുക, മാനസിക സംഘർഷം കുറക്കുക തുടങ്ങിയവക്ക് പ്രാധാന്യം നൽകിയാണ് ശിൽപശാല സംഘടിപ്പിച്ചത്. 16 വിദ്യാലയങ്ങളിൽ നിന്നുള്ള ഓരോ ഹൈസ്കൂൾ, ഹയർസെക്കണ്ടറി അധ്യാപകരും പി ടി എ പ്രതിനിധിയുമാണ് പങ്കെടുത്തത്. ജനുവരി, ഫിബ്രവരി മാസങ്ങളിൽ എസ് എസ് എൽ സി, പ്ലസ് വൺ, പ്ലസ് ടു വിദ്യാർഥികൾക്ക് പൊതുപരീക്ഷക്ക് ഒരുങ്ങാൻ പരിശീലനം നൽകും. തളിപ്പറമ്പ് ഡിഇഒ എ എം രാജമ്മ അധ്യക്ഷത വഹിച്ചു. ഹയർസെക്കണ്ടറി അധ്യാപകരായ ലിതേഷ് കോളയാട്, എൻ രാജേഷ് എന്നിവർ ക്ലാസെടുത്തു. എസ് എസ് കെ ജില്ലാ പ്രൊജക്ട് കോ ഓർഡിനേറ്റർ ഇ സി വിനോദ് മുഖ്യാഥിയായി. മാടായി എ ഇ ഒ ടി വി അജിത, ഹയർ സെക്കണ്ടറി സബ്ജില്ലാ കോ ഓർഡിനേറ്റർ എൻ രാജേഷ്, മാടായി ബിപിസി എം വി വിനോദ്കുമാർ തുടങ്ങിയവർ സംസാരിച്ചു.