.gif)
പരിസ്ഥിതിലോല പ്രദേശത്തിന്റെ ബഫർ സോൺ നിർണ്ണയവുമായി ബന്ധപ്പെട്ട് ജനങ്ങളിൽ ഉണ്ടായിട്ടുള്ള ആശങ്ക അകറ്റാനും ജനങ്ങളെ സംഘടിപ്പിച്ച് പ്രതിരോധ പ്രവർത്തനങ്ങൾക്ക് നേതൃത്വം നൽകാനുമുള്ള ആദ്യ പടിയായി ജനകീയ സദസ് സംഘടിപ്പിക്കുമെന്ന് സി.പി ഐ കണ്ണൂർ ജില്ലാ സെക്രട്ടറി സി.പി സന്തോഷ് കുമാർ പറഞ്ഞു. ജില്ലാ കമ്മിറ്റിയുടെ നേതൃത്വത്തിൽ ഡിസംബർ 27 ചൊവ്വാഴ്ച്ച ആറളം പഞ്ചായത്തിലെ കീഴ്പ്പള്ളിയിലാണ് ജനകീയ സദസ് സംഘടിപ്പിക്കുക. ആറളം പഞ്ചായത്തിലെ ആറളം ഫാം, വിയ്റ്റ്നാം പ്രദേശങ്ങളാണ് ബഫർ സോണിൽപ്പെടുക ഇവിടങ്ങളിൽ ആയിരക്കണക്കിന് ജനങ്ങൾ താമസിക്കുന്നുണ്ട്. ജില്ലയിൽ മലയോര വില്ലേജ് പ്രദേശങ്ങൾ ബഫർ സോൺ പരിധിയിൽ വരുന്നുണ്ടെന്ന് സി പി സന്തോഷ് കുമാർ പറഞ്ഞു. ഇവിടങ്ങളിലെല്ലാം ജനങ്ങളുടെ ആശങ്കയകറ്റാൻ സി പി ഐ ജനകീയ ക്യാമ്പയിൻ സംഘടിപ്പിക്കുമെന്നും അദ്ദേഹം പറഞ്ഞു. ജനകീയ സദസിൽ പ്രമുഖ നേതാക്കൾ പങ്കെടുക്കും.
റിപ്പോർട്ട്: കെ.ബി. ഉത്തമൻ
