കലവൂർ: മണ്ണഞ്ചേരി സ്വദേശിനിയായ യുവതിയെ തട്ടിക്കൊണ്ടുപോകാൻ ശ്രമിച്ച യുവാവിനെ പോലീസ് അറസ്റ്റുചെയ്തു. കഞ്ഞിക്കുഴി പഞ്ചായത്ത് ഏഴാംവാർഡിൽ അഭിഷേകി(22)നെയാണ് മണ്ണഞ്ചേരി പോലീസ് അറസ്റ്റുചെയ്തത്.
സുഹൃത്തിന്റെ വിവാഹച്ചടങ്ങുകഴിഞ്ഞ് തിരികെവരികയായിരുന്ന യുവതിയെ വീട്ടിലാക്കാമെന്നുപറഞ്ഞ് അഭിഷേക് ബൈക്കിൽക്കയറ്റി സ്വന്തംവീട്ടിലേക്കു കൊണ്ടുപോകാൻ ശ്രമിച്ചെന്നു പോലീസ് പറയുന്നു. എതിർത്ത യുവതിയെ ബൈക്ക് വെട്ടിച്ച് താഴെയിട്ടു ഗുരുതരമായി പരിക്കേൽപ്പിച്ചതായും പോലീസ് പറയുന്നു. ജനുവരി 25-നു വൈകിട്ട് എഴോടെ ദേശീയപാതയിൽ വളവനാടു വെച്ചായിരുന്നു സംഭവം.
ഇരുവരും മുൻപ് സുഹൃത്തുക്കളായിരുന്നെന്നും ഇത് മുതലെടുത്താണ് യുവതിയെ ബൈക്കിൽ വിളിച്ചുകയറ്റിയതെന്നും പോലീസ് പറഞ്ഞു. ഇയാളെ കോടതി റിമാൻഡുചെയ്തു.