ന്യൂയോര്ക്ക്: സാങ്കേതിക തകരാറുമൂലം യു.എസിൽ വ്യോമ ഗതാഗതം സ്തംഭിച്ചു. ഫെഡറൽ ഏവിയേഷൻ അസോസിയേഷന്റെ കംപ്യൂട്ടർ സിസ്റ്റത്തിലെ തകരാറാണ് വിമാന ഗതാഗതം അവതാളത്തിലാകാന് കാരണം. ആകെ 760 വിമാനങ്ങളെ പ്രശ്നം ബാധിച്ചിട്ടുണ്ടെന്ന് ഫ്ലൈറ്റ് ട്രാക്കിങ് വെബ് സൈറ്റായ ഫ്ലൈറ്റ് അവര് റിപ്പോര്ട്ട് ചെയ്തു.
തകരാർ ഉടൻ പരിഹരിക്കാനുള്ള ശ്രമം നടക്കുകയാണെന്ന് യുഎസിലെ വ്യോമഗതാഗതം നിയന്ത്രിക്കുന്ന ഫെഡറൽ ഏവിയേഷൻ അഡ്മിനിസ്ട്രേഷന് (എഫ്.എ.എ) ട്വിറ്റീല് അറിയിച്ചു. എല്ലാ വിമാനങ്ങളേയും പ്രശ്നം ബാധിച്ചതായും എഫ്.എ.എ അറിയിച്ചു.