വീർപ്പാട്: ശ്രീ നാരായണ ഗുരു കോളേജിലെ വിദ്യാർഥികൾ ലഹരിവിരുദ്ധ ക്യാമ്പയിന്റെ ഭാഗമായി വീർപ്പാട് ടൗണിൽ വെച്ച് തെരുവ്നാടകവും ജ്വാല ലഹരി വിരുദ്ധ ബോധവൽക്കരണവും നടത്തി. കോളേജ് യൂണിയൻ, NSS യൂണിറ്റ്, ഇരിട്ടി എക്സ്സൈസ് റേഞ്ച്, ആറളം ഗ്രാമപഞ്ചായത്ത് കുടുംബശ്രീ യൂണിറ്റ് എന്നിവയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. പ്രസ്തുത ചടങ്ങിൽ വാർഡ് മെമ്പർ സുധാകരൻ യു. കെ ആധ്യക്ഷത വഹിച്ചു. ആറളം ഗ്രാമപഞ്ചായത്ത് പ്രസിഡന്റ് ശ്രീ. കെ. പി. രാജേഷ് ഉദ്ഘടനവും ഇരിട്ടി റേഞ്ച് എക്സ്സൈസ് ഇൻസ്പെക്ടർ ശ്രീ. രജിത് സി മുഖ്യഥിതിയായി.
കോളേജ് പ്രിൻസിപ്പൽ ഡോക്ടർ റോയ് എ. ഒ, യൂണിയൻ സെക്രട്ടറി അനുരാഗ്. വി, CDS മെമ്പേഴ്സ് ആയ ശ്രീമതി. ലീലാമ്മ, ശ്രീമതി. ഷീബ ബാബു എന്നിവർ ആശംസകൾ അർപ്പിച്ചു സംസാരിച്ചു. വിമുക്തി ക്ലബ് കൺവീനർ ശ്രീ. നിധിൻ എം. ആർ നന്ദിയും അറിയിച്ചു. നാടക രചനയും സംവിധാനവും നിർവ്വഹിച്ചത് ഇരിട്ടി റെയിഞ്ച് സിവിൽ എക്സൈസ് ഓഫീസർ സജേഷ് പികെയാണ്.