യുവ പ്രതിഭാ പുരസ്ക്കാരം നേടിയ അമൃത എം. രാമചന്ദ്രനെ ആദരിച്ചു.

പയ്യാവൂർ: കേരള സർക്കാർ സാംസ്കാരിക വകുപ്പ്, കേരള ഫോക്ലോർ അക്കാദമി, 2021 യുവ പ്രതിഭാ പുരസ്ക്കാരം നേടിയ അമൃത എം. രാമചന്ദ്രനെ കരുവൻചാൽ പൗരാവലിയുടെ ആഭിമുഖ്യത്തിൽ  കരുവൻചാൽ ടൗണിൽ നടന്ന  അനുമോദന ചടങ്ങിൽ ആദരിച്ചു. കളരിപ്പയറ്റിൽ ജില്ലാ - സംസ്ഥാന - ദേശീയ മൽസരങ്ങളിലും, കേരളോത്സവ മത്സരത്തിൽ പഞ്ചായത്ത് - സംസ്ഥാന - ദേശീയ മൽസരത്തിലും, യൂണിവേഴ്സിറ്റി മത്സരങ്ങളിലും നിരവധി തവണ സ്വർണ്ണ മെഡലുകൾ കരസ്ഥമാക്കുകയും 10 വർഷക്കാലമായ കുട്ടികൾക്കും സ്ത്രീകൾക്കും കളരിപ്പയറ്റ് പരിശീലനം നൽകി വരുന്നു. കേരളത്തിലും പുറത്തും കളരി പഠിപ്പിക്കുകയും പ്രദർശനങ്ങൾ നടത്തുകയും ചെയ്തിട്ടുണ്ട്. ചടങ്ങ്  ജില്ലാ കളരിപ്പയറ്റ് അസോസിയേഷൻ പ്രസിഡണ്ട്  പി. ശശീന്ദ്രൻ ഗുരുക്കൾ ഉൽഘാടനം ചെയ്തു. നടുവിൽ ഗ്രാമപഞ്ചായത്ത് അംഗം പി.കെ. ബാലകൃഷ്ണൻ അദ്ധ്യക്ഷത വഹിച്ചു. നടുവിൽ ഗ്രാമപഞ്ചായത്ത് അംഗം സി ബഷീറ, ചപ്പാരപ്പടവ് ഗ്രാമപഞ്ചായത്ത് അംഗം അജ്മൽ, ആലക്കോട് ഗ്രാമപഞ്ചായത്ത് അംഗം സി എം രജിത, സിപിഐഎം കരുവൻചാൽ ലോക്കൽ കമ്മിറ്റി സെക്രട്ടറി ടി.ഡി. ബാബു, കരുവൻചാൽ മണ്ഡലം കോൺഗ്രസ് കമ്മറ്റി പ്രസിഡണ്ട് ടോമി കുമ്പിടിയാമ്മാക്കൽ, മുസ്ലീം ലീഗ് ഇരിക്കൂർ നിയോജക മണ്ഡലം ട്രഷർ വി.എ. റഹീം, കേരള വ്യാപാരി വ്യവസായി ഏകോപന സമിതി കരുവൻചാൽ യുണിറ്റ് പ്രസിഡണ്ട് ജയിംസ് പുത്തൻപുര, കേരള കോൺഗ്രസ് (എം) സംസ്ഥാന ജനറൽ സെക്രട്ടറി സജി കുറ്റ്യാനിമറ്റം, ബിജെപി കരുവൻചാൽ മണ്ഡലം പ്രസിഡണ്ട് പി.വി. നാരായണൻ നായർ, ഡെന്നി മണ്ണൂർ, എൻ യു അബ്ദുല്ല, രാജൻ കൂവേരി, കെ സഖീർ സുബൈർ ഗുരുക്കൾ, ടോമി വിറകൊടിയനാൽ, ചെയർമാൻ സജി പുത്തൻകണ്ടത്തിൽ, കൺവീനർ കെ ഡി ഐസക് എന്നിവർ പ്രസംഗിച്ചു.