ശ്രീകണ്ഠാപുരം: കേരളാ പ്രദേശ് സ്കൂൾ ടീച്ചേഴ്സ് അസോസിയേഷൻ (കെ.പി.എസ്സ്.ടി.എ.) ശ്രീകണ്ഠാപുരം ബ്രാഞ്ച് സമ്മേളനം ശ്രീകണ്ഠാപുരം എം.എ.എൽ.പി സ്കൂളിൽ ബ്രാഞ്ച് പ്രസിഡന്റ് പി.സുമയ്യ പതാക ഉയർത്തി ആരംഭിച്ചു. പി.സുമയ്യയുടെ അധ്യക്ഷതയിൽ ശ്രീകണ്ഠാപുരം നഗരസഭാ കൗൺസിലറും യൂത്ത് കോൺഗ്രസ് ജില്ലാ സെക്രട്ടറിയുമായ വിജിൽ മോഹൻ സമ്മേളനം ഉദ്ഘാടനം ചെയ്തു. മുഖ്യ ഭാഷണം ഇ.കെ.ജയപ്രസാദ് (KPSTAജില്ലാ സെക്രട്ടറി) നിർവ്വഹിച്ചു. എം.വി.സുനിൽകുമാർ (KPSTA സംസ്ഥാന കൗൺസിലർ), അരവിന്ദ് സജി. (KPSTA ഉപജില്ലാ പ്രസിഡന്റ്), സ്റ്റിബി.കെ.സൈമൺ (KPSTA ജില്ലാ നിർവാഹക സമിതി അംഗം), പി ഗീത. (KPSTA ജില്ലാ വനിതാ ഫോറം), കെ പി ലത്തീഫ് (KPSTA ഉപജില്ലാ വൈസ് പ്രസിഡന്റ്), വി.കെ.വിജയകുമാർ (KPSTA തളിപ്പറമ്പ വിദ്യാഭ്യാസ ജില്ലാ ട്രഷറർ), എം സി ശ്രീജിത്ത്(KPSTA ഉപജില്ലാ ട്രഷറർ ,എന്നിവർ ആശംസകൾ അറിയിച്ച് സംസാരിച്ചു. ഇർഷാദ്.കെ.(KPSTA ശ്രീകണ്ഠപുരം ബ്രാഞ്ച് സെക്രട്ടറി) സ്വാഗതവും പി ഷക്കീല (KPSTA ശ്രീകണ്ഠപുരം ബ്രാഞ്ച് ട്രഷറർ) നന്ദിയും രേഖപ്പെടുത്തി. പങ്കാളിത്ത പെൻഷൻ പദ്ധതി മാറ്റി സ്റ്റാറ്റ്യൂട്ടറി പെൻഷൻ പുന:സ്ഥാപിക്കുക, മുഴുവൻ അധ്യാപക നിയമനങ്ങളും അംഗീകരിക്കുക, സർവ്വീസിലുള്ളവരെ ടെറ്റ് യോഗ്യത നേടുന്നതിൽ നിന്നും ഒഴിവാക്കുക, ഡി.എ. കൂടിശ്ശിക അനുവദിക്കുക, മുൻകാലത്ത് പ്രസവാവധി എടുത്തപ്പോൾ വന്ന വ്യത്യാസം മൂലം തുക തിരിച്ചടക്കാൻ ഇപ്പോൾ ആവശ്യപ്പെടുന്നത് ഒഴിവാക്കുക, അതു മൂലമുള്ള സർവ്വീസ് പ്രശ്നങ്ങൾ ക്രമപ്പെടുത്തുകയും ചെയ്യുക, തുടർന്ന് അത്തരം അവധികൾ കൃത്യതപ്പെടുത്തുക, ഹയർ സെക്കണ്ടറിയിലെ ജൂനിയർ,സീനിയർ അധ്യാപകരുടെ സർവ്വീസ് പ്രശ്നങ്ങൾ പരിഹരിക്കുക, കുട്ടികൾക്കുള്ള ഉച്ചഭക്ഷണത്തുക വർദ്ധിപ്പിക്കുക, സ്റ്റാഫ് ഫിക്സേഷൻ ഉടൻ നടപ്പിലാക്കുക തുടങ്ങിയ പ്രമേയങ്ങൾ സമ്മേളനം അവതരിപ്പിച്ചു പാസ്സാക്കി.
സുമയ്യ.പി.(പ്രസിഡന്റ്), ഇർഷാദ്.പി.(സെക്രട്ടറി), ഷക്കീല.പി.(ട്രഷറർ) എന്നിവരെ ഭാരവാഹികളായി തിരഞ്ഞെടുത്തു.