ദേശീയപാത വികസനം വഴിമുട്ടി വിദ്യാലയം

 *

ക​ല്യാ​ശ്ശേ​രി: ദേ​ശീ​യ പാ​ത വി​ക​സ​നം യാ​ഥാ​ർ​ഥ്യ​മാ​കു​മ്പോ​ൾ വ​ഴി​മു​ട​ങ്ങു​ന്ന​ത് സർക്കാർ വി​ദ്യാ​ല​യ​ത്തിന്. 2000ത്തിലധികം കു​ട്ടി​ക​ൾ പ​ഠി​ക്കു​ന്ന ക​ല്യാ​ശ്ശേ​രി ഗ​വ. എ​ച്ച്.​എ​സ്. സ്കൂ​ൾ കു​ട്ടി​ക​ളു​ടെ സ​ഞ്ചാ​ര സ്വാ​ത​ന്ത്യ​മാ​ണ് റോ​ഡ് വി​ക​സ​ന​ത്തി​ലൂ​ടെ ത​ട​സ്സ​പ്പെ​ടു​ന്ന​ത്.

ടോ​ൾ പ്ലാ​സ നി​ർ​മാ​ണ​വു​മാ​യി ബ​ന്ധ​പ്പെ​ട്ട് ക​ല്യാ​ശ്ശേ​രി​യി​ലെ ഹാ​ജി മൊ​ട്ട ഇ​ടി​ച്ചു​നി​ര​ത്തു​ക​യും സ​മീ​പ​ത്തെ 14 റോ​ഡു​ക​ൾ ഇ​ല്ലാ​താ​വു​ക​യും ചെ​യ്ത​തോ​ടെയാണ് യാത്ര ദുരിതം തുടങ്ങിയത്. ദേശീയ പാ​ത​യു​ടെ നി​ർ​മാ​ണം ക​ല്യാ​ശ്ശേ​രി​യെ ര​ണ്ടാ​യി കീ​റി മു​റി​ച്ച നി​ല​യി​ലാ​ണ്.

ക​ല്യാശ്ശേ​രി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ, പോ​ളി​ടെ​ക്നി​ക് എ​ന്നി​വ​യ​ട​ക്കം നാ​ലു വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, വി​ല്ലേ​ജ് ഓ​ഫി​സ്, കു​ടും​ബാ​രോ​ഗ്യ കേ​ന്ദ്രം, പ​ഞ്ചാ​യ​ത്ത് ഓ​ഫി​സ്, കൃ​ഷി​ഭ​വ​ൻ എ​ന്നി​വ ഇ​രു ക​ര​ക​ളി​ലാ​കു​ന്ന അ​വ​സ്ഥ​യാ​ണ്. കൂ​ടാ​തെ ഇ​വി​ട​ങ്ങ​ളി​ലേ​ക്കു​ള്ള ചെ​റു റോ​ഡു​ക​ൾ പൂ​ർ​ണ​മാ​യും അ​ട​യു​ന്ന സ്ഥി​തി​യു​മാ​യി

ടോ​ൾ പ്ലാ​സ​യു​ടെ നി​ർ​മാ​ണ​ത്തി​ന്റെ ഭാ​ഗ​മാ​യി ഒ​രു കി​ലോ മീ​റ്റ​ർ നീ​ള​ത്തി​ൽ ദേ​ശി​യ പാ​ത​യി​ലേ​ക്കു​ള്ള എ​ല്ലാ പ്ര​വേ​ശ​ന​ങ്ങ​ളും ത​ട​ഞ്ഞാ​ണ് പാ​ത​യു​ടെ​യും ടോ​ള്‍ പ്ലാ​സ​യു​ടെ​യും നി​ർ​മാ​ണം. യാ​ത്രാ പ്ര​ശ​്നം പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ക​ല്യാ​ശ്ശേ​രി പ​ഞ്ചാ​യ​ത്ത് ഭ​ര​ണ സ​മി​തി​യും വി​ദ്യാ​ഭ്യാ​സ സ്ഥാ​പ​ന മേ​ധാ​വി​ക​ളും ദേ​ശീ​യ​പാ​ത അ​തോ​റി​റ്റി​ക്ക​ട​ക്കം ഒ​ട്ടേ​റെ നി​വേ​ദ​ന​ങ്ങ​ൾ ന​ൽ​കി​യി​രു​ന്നു.

ഇ​തി​നൊ​ന്നും മ​റു​പ​ടി ല​ഭി​ക്കാ​ത്ത സാ​ഹ​ച​ര്യ​ത്തി​ലാ​ണ് പ​ഞ്ചാ​യ​ത്ത് ഭ​ര​ണ സ​മി​തി​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം പ്ര​തി​ഷേ​ധ കൂ​ട്ടാ​യ്മ സം​ഘ​ടി​പ്പി​ച്ച​ത്. നി​ർ​ദി​ഷ്ട ടോ​ൾ പ്ലാ​സ ജ​ന​വാ​സ കേ​ന്ദ്ര​ത്തി​ൽ നി​ന്നും മാ​റ്റി വ​യ​ക്ക​ര വ​യി​ലി​ലേ​ക്ക് മാ​റ്റി​യാ​ൽ പ്ര​ദേ​ശ​ത്തെ ജ​ന​ങ്ങ​ളു​ടെ ദു​രി​ത​മ​ക​റ്റാ​ൻ സാ​ധി​ക്കു​മെ​ന്നാ​ണ് ക​ല്യാ​ശ്ശേ​രി പ​ഞ്ചാ​യ​ത്ത് ഭ​ര​ണ സ​മി​തി ജി​ല്ല ക​ല​ക്ട​റോ​ട് ആ​വ​ശ്യ​പ്പെ​ട്ട​ത്.

ദേ​ശി​യ പാ​ത​യു​ടെ പ്ര​വൃ​ത്തി ന​ട​ക്കു​മ്പോ​ൾ കൊ​ട്ടി​യ​ട​ക്ക​പ്പെ​ടു​ന്ന റോ​ഡ് ഇ​ല്ലാ​താ​കു​ന്ന​തോ​ടെ വി​ദ്യാ​ർ​ഥി​ക​ളു​ടെ സ്കൂ​ളി​ലേ​ക്ക് വ​രു​ന്ന​തും തി​രി​ച്ചു പോ​കു​ന്ന​തു​മാ​യ വ​ഴി​യാ​ണ് ഇ​ല്ലാ​താ​കു​ന്ന​ത്.

ഇ​തി​നു പ്ര​തി​വി​ധി​യാ​യി ക​ല്യാ​ശ്ശേ​രി​യി​ല്‍ അ​ടി​പാ​ത നി​ര്‍മ്മി​ക്ക​ണ​മെ​ന്നാ​വ​ശ്യം വി​ദ്യാ​ര്‍ഥി​ക​ളു​ടെ ഒ​പ്പോ​ടെ ജി​ല്ല ക​ല​ക്ട​റു​ടെ മു​മ്പാ​കെ നി​ര​വ​ധി ത​വ​ണ സ​മ​ർ​പ്പി​ച്ചി​രു​ന്നു. എ​ന്നാ​ൽ, ഇ​തൊ​ന്നും പ​രി​ഗ​ണി​ക്കാ​തെ​യാ​ണ് ദേ​ശീ​യ​പാ​ത അ​ധി​കൃ​ത​ർ ഇ​പ്പോ​ള്‍ പ്ര​വൃ​ത്തി ന​ട​ത്തി വ​രു​ന്ന​ത്.