സംരംഭക വര്‍ഷം:ലക്ഷ്യം പൂർത്തീകരിച്ച് ഇരിട്ടി നഗരസഭ

സംരംഭക വര്‍ഷവുമായി ബന്ധപ്പെട്ട് "ഒരു വര്‍ഷം ഒരു ലക്ഷം സംരംഭങ്ങള്‍" എന്ന പദ്ധതിയുടെ ഭാഗമായി ഇരിട്ടി നഗരസഭ 100 ശതമാനം ലക്ഷ്യം പൂര്‍ത്തികരിച്ചു . 182 സംരംഭങ്ങളാണ് നഗരസഭ പരിധിയിൽ ആരംഭിച്ചിട്ടുള്ളത് . ഉല്‍പാദനം (12),സേവനം (98), കച്ചവടം (72) എന്നീ മേഖലകളിലാണ് പുതിയ സംരംഭങ്ങള്‍ക്ക് തുടക്കമിട്ടത്. ലക്ഷ്യം കൈവരിച്ചതോടെ 17.45 കോടി രൂപയുടെ  നിക്ഷേപം ഉണ്ടായി. 431 തൊഴിൽ അവസരങ്ങളും സൃഷ്ടിച്ചു.2022 എപ്രിൽ 1 മുതലാണ് മറ്റ് വകുപ്പുകളുമായി ചേര്‍ന്ന് വ്യവസായ വകുപ്പ് പ്രസ്തുത പദ്ധതി ആരംഭിച്ചത്.