നാട്ടുത്സവത്തിൻ്റെ ഭാഗമായി കണ്ണൂർ ജില്ലാതല വയലാർ, പി.ഭാസ്ക്കരൻ, ഒ.എൻ.വി ഗാനോത്സവം സംഘടിപ്പിച്ചു.

കൊളച്ചേരി ഭാരതീയ നഗർ  KS & AC നാൽപ്പത്തി എട്ടാം വാർഷികത്തിൻ്റേയും കരിങ്കൽക്കുഴി വനിതാവേദി മുപ്പതാം വാർഷികത്തിൻ്റെയും ഭാഗമായി 2023  ജനുവരി മുതൽ ഏപ്രിൽ മാസം വരെ ഗാനോത്സവം, ചിത്രോത്സവം, ചലച്ചിത്രോത്സവം, കായികോത്സവം, നൃത്തോത്സവം, നാടകോത്സവം എന്നിവ സംഘടിപ്പിക്കുന്നതിന് മുന്നോടിയായി നണിയൂർ എ .എൽ .പി സ്ക്കൂൾ ഓഡിറ്റോറിയത്തിലൊരുക്കിയ ഭാരതീയ നഗറിൽ കണ്ണൂർ ജില്ലാതല വയലാർ, പി.ഭാസ്ക്കരൻ, ഒ.എൻ.വി ഗാനോത്സവം സംഘടിപ്പിച്ചു. ഭാസ്ക്കരൻ പി.നണിയൂർ സ്വാഗതം പറഞ്ഞ ചടങ്ങിന് വി.വി. ശ്രീനിവാസൻ അധ്യക്ഷത വഹിച്ചു. ചടങ്ങ് പ്രശസ്ത കവിയും ഗാനരചയിതാവുമായ വയലാർ ശരത്ചന്ദ്ര വർമ്മ ഉദ്ഘാടനം ചെയ്തു. ചടങ്ങിൽ ഡോ: എ.എസ്. പ്രശാന്ത് കൃഷ്ണൻ മുഖ്യാതിഥിയായിരുന്നു.  സി.എം പ്രസീത ടീച്ചർ, കെ.പി നാരായണൻ, കെ. പ്രിയേഷ്, ഷൈനി. പി.വി തുടങ്ങിയവർ സംസാരിച്ചു. ജൂനിയർ, സീനിയർ വിഭാഗങ്ങളിലായി ഇരുപതോളം പ്രതിഭകൾ ഗാനോത്സവത്തിൽ പങ്കു ചേർന്നു