ചക്കരക്കൽ: ഇരിവേരിക്കാവ് ഉത്സവത്തോടനുബന്ധിച്ച് നടന്ന കലവറ നിറക്കൽ ഘോഷയാത്രയിൽ പങ്കെടുത്ത ചാലിൽ കണ്ടി ശശിധരന്റെ കയ്യിലുണ്ടായിരുന്ന പടക്ക സഞ്ചിയിൽ നിന്ന് പടക്കത്തിന്റെ അവശിഷ്ടങ്ങൾ തെറിച്ച് വീണ് ഉഗ്രൻ ശബ്ദത്തോടെ പടക്കം പൊട്ടുകയായിരുന്നു.
അപകടത്തിൽ ഗുരുതരമായി പരുക്കേറ്റ ശശിധരനെ ആശുപത്രിയിൽ പ്രവേശിപ്പിച്ചു.മൂന്ന് വീടുകൾക്ക് നാശനഷ്ടം ഉണ്ടായി.
പോലീസും, ഫോറെൻസിക് ഉദ്യോഗസ്ഥരും, ബോംബ് സ്ക്വാടും സ്ഥലം സന്ദർശിച്ചു.അശ്രദ്ധമായി പടക്കം കൈകാര്യം ചെയ്തതിന് പോലീസ് കേസെടുത്തു.