.gif)
പയ്യന്നൂർ :അഹിന്ദുക്കൾക്ക് പ്രവേശനമില്ല എന്ന ബോർഡ് വെക്കുന്നതുമായി ബന്ധപ്പെട്ട് സംഘർഷം നില നിക്കുന്ന കുഞ്ഞിമംഗലം മല്ലിയോട്ട് ക്ഷേത്ര പരിസരത്ത് പയ്യന്നൂർ ഡിവിഷൻ ഡി വൈ എസ് പി യുടെ നേതൃത്വത്തിൽ വൻ പോലീസ് സന്നാഹം ഏർപ്പെടുത്തി.
കുംഭമാസ സംക്രമമായ ഇന്ന് അനിഷ്ട സംഭവങ്ങൾ ഉണ്ടാകാൻ സാധ്യതയുള്ളതിനാലാണ് പരിസരത്ത് പോലീസ് സന്നാഹം ഏർപ്പെടുത്തിയത്. കമ്മിറ്റിക്കാരും കനത്ത ജാഗ്രത പുലർത്തുന്നുണ്ട്.
ഉത്സവ പറമ്പിൽ മുസ്ലിങ്ങൾക്ക് പ്രവേശനമില്ല എന്ന ബോർഡിനെ ചൊല്ലി ഇക്കഴിഞ്ഞ അഞ്ചിന് ഉണ്ടായ സംഘർഷത്തിൽ 19 പേർക്കെതിരെ പോലീസ് കേസെടുത്തിരുന്നു. സമൂഹമാധ്യമങ്ങളിലൂടെ മതസ്പർദ്ദയുണ്ടാക്കിയ സമീപവാസിയെ പോലീസ് അറസ്റ്റ് ചെയ്തു.
