ഉളിക്കൽ: ഇരിട്ടിയിൽ കെ എസ് ഇ ബി പുതുതായി നിർമ്മിച്ച വൈദ്യുതി ഭവനം ഇന്ന്
ഏപ്രിൽ 18 ന് ഉച്ചയ്ക്ക് 2 മണിക്ക് ബഹുമാനപ്പെട്ട വൈദ്യുതി വകുപ്പ് മന്ത്രി കെ കൃഷ്ണൻകുട്ടി ഉദ്ഘാടനം ചെയ്യും.യോഗത്തിൽ അഡ്വ. സണ്ണി ജോസഫ് എം എൽ എ അധ്യക്ഷനായിരിക്കും.
ഇരിട്ടി പട്ടണത്തിന്റെ വിവിധ ഭാഗങ്ങളിൽ വാടക കെട്ടിടങ്ങളിൽ പ്രവർത്തിച്ചു വന്നിരുന്ന ഇരിട്ടി ഇലക്ട്രിക്കൽ ഡിവിഷൻ, ഇലക്ട്രിക്കൽ സബ് ഡിവിഷൻ, ഇലക്ട്രിക്കൽ സെക്ഷൻ ഓഫീസുകൾ ഇനി ഈ കെട്ടിട സമുച്ചയത്തിലായിരിക്കും പ്രവർത്തിക്കുകആധുനികവും സുസജ്ജവുമായ കാര്യാലയങ്ങൾ യാഥാർഥ്യമാകുന്നതോടെ പൊതുജനങ്ങൾക്ക് മികച്ച സേവനം ലഭ്യമാകും. ഭരണപരമായ കാര്യങ്ങൾ സുഗമമാക്കാനും ഇത് സഹായിക്കും.
ഇരിട്ടി ടൗണിൽ തലശ്ശേരി വളവുപ്പാറ റോഡരികിൽ കെ എസ് ഇ ബി യുടെ ഉടമസ്ഥതയിലുള്ള 43.5 സെന്റ് ഭൂമിയിൽ ഇരുനിലകളായി ആകെ 491.40 ചതുരശ്ര മീറ്റർ വിസ്തൃതിയുള്ള കെട്ടിടമാണ് വൈദ്യുതി ഭവനത്തിനായി നിർമ്മിച്ചിരിക്കുന്നത്. ഒരുകോടി 50 ലക്ഷം രൂപയാണ് ആകെ മുതൽ മുടക്ക്.