സുഡാനിലെ സൈന്യവും അര്ദ്ധസൈനിക വിഭാഗവും തമ്മിലുള്ള ഏറ്റുമുട്ടലില് മലയാളി കൊല്ലപ്പെട്ടു. കണ്ണൂര് ആലക്കോട് നെല്ലിപ്പാറ സ്വദേശി ആല്ബര്ട്ട് അഗസ്റ്റിനാണ് കൊല്ലപ്പെട്ടത്.
ഇന്നലെ രാത്രിയായിരുന്നു സംഭവം. മൃതദേഹം നാട്ടിലേക്ക് എത്തിക്കുവാനുള്ള തയ്യാറെടുപ്പിലാണ് ബന്ധുക്കള്.
വിമുക്തഭടന് കൂടിയായ ആല്ബര്ട്ട് ദാല് ഗ്രൂപ്പ് ഓഫ് കമ്പിനി ജീവനക്കാരനാണ്. ഏറ്റുമുട്ടല് തുടരുന്ന പശ്ചാത്തലത്തില് ഇന്ത്യക്കാരോട് വീടിനുള്ളില് തന്നെ തുടരാന് എംബസി നിര്ദ്ദേശിച്ചിരുന്നു. സുഡാനിന്റെ തലസ്ഥാനമായ ഖാര്ത്തൂമില് ഒട്ടേറെ തവണ വെടിവയ്പ്പുണ്ടായതിന് പിന്നാലെയായിരുന്നു ഇന്ത്യന് എംബസിയുടെ നിര്ദ്ദേശം.