കണ്ണൂർ: സംഘടനാ സംവിധാനം ഡിജിറ്റൽ പ്ലാറ്റ്ഫോമിലേക്ക് മാറുന്നതിന്റെഭാഗമായി ജില്ലാ മുസ്ലിം ലീഗ് പ്രീ- അഫിലിയേഷൻ ക്യാമ്പ് നാളെ (തിങ്കൾ )കണ്ണൂരിൽ നടക്കും.
കാലത്ത് 10 മണിക്ക് കണ്ണൂർ ചേംബർ ഹാളിൽ നടക്കുന്ന പ്രീ അഫിലിയേഷൻ ക്യാമ്പ് മുസ്ലിം ലീഗ് സംസ്ഥാന സെക്രട്ടറി കെ എം ഷാജി ഉദ്ഘാടനം ചെയ്യും.സംസ്ഥാന ഭാരവാഹികളായ അബ്ദുറഹിമാൻ കല്ലായി, പി കെ അബ്ദുല്ല ഹാജി തുടങ്ങിയവർ പങ്കെടുക്കും.
മാട്ടൂലിൽ നടന്ന മുസ്ലിം ലീഗ് ജില്ല എക്സിക്യൂട്ടീവ് ക്യാമ്പ് റിബാത്ത് - 23 ന്റെ തീരുമാനം അനുസരിച്ചാണ് പ്രീ- അഫിലിയേഷൻ ക്യാമ്പ് സംഘടിപ്പിക്കുന്നത്.
ജില്ലാ മുസ്ലിം ലീഗ് പ്രവർത്തകസമിതി അംഗങ്ങൾ, മണ്ഡലം ഭാരവാഹികൾ, പഞ്ചായത്ത് - മേഖല - മുൻസിപ്പൽ മുസ്ലിംലീഗ് പ്രസിഡണ്ട് -ജനറൽ സെക്രട്ടറിമാർ തുടങ്ങിയവരാണ് ക്യാമ്പിൽ പങ്കെടുക്കേണ്ടത്.
പ്രീ അഫിലിയേഷൻ ക്യാമ്പിന്റെ ഭാഗമായി മെയ് അഞ്ചിന് മണ്ഡലം തലങ്ങളിലും മെയ് 6, 7 തീയതികളിൽ പഞ്ചായത്ത് - മുൻസിപ്പൽ - മേഖലാ തലങ്ങളിലും മെയ് പത്തിന് ശാഖ തലങ്ങളിലും നേതൃസംഗമങ്ങൾ നടക്കും.
കണ്ണൂർ ബാഫഖി തങ്ങൾ സൗദത്തിൽ നടത്താൻ തീരുമാനിച്ച പ്രീ അഫിലിയേഷൻ ക്യാമ്പാണ് ചേംബർ ഹാളിലേക്ക് മാറ്റിയത്.