.gif)
മലയാളി വ്ളോഗര് മല്ലു ട്രാവലര് എന്ന ഷക്കിര് സുബാനെതിരെ പീഡന പരാതിയുമായി സൗദി അറേബ്യന് യുവതി. ഇന്റര്വ്യു ചെയ്യാനെത്തിയ സമയത്ത് അപമര്യാദയായി പെരുമാറിയതായി യുവതി ആരോപിച്ചു. പരാതിയെത്തുടര്ന്ന് ഷക്കിർ സുബാനെതിരെ എറണാകുളം സെൻട്രൽ പൊലീസ് കേസെടുത്തു. വാഹനങ്ങളെക്കുറിച്ചും യാത്രകളെകുറിച്ചും സമൂഹ മാധ്യമങ്ങളില് വീഡിയോസ് പോസ്റ്റ് ചെയ്താണ് മല്ലു ട്രാവലര് കുട്ടികള്ക്കും യുവാക്കള്ക്കുമിടയില് ശ്രദ്ധിക്കപ്പെട്ടത്. ഇന്ത്യയില് ലഭ്യമല്ലാത്ത ആഡംബര വാഹനങ്ങള് മറ്റ് രാജ്യങ്ങളില് ചെന്ന് ഓടിച്ച് നോക്കി അനുഭവങ്ങള് പങ്കുവെയ്ക്കുന്ന വീഡിയോകളാണ് മല്ലു ട്രാവലറെ പ്രശസ്തനാക്കിയത്.
