ഷാക്കിർ സുബാനെതിരെ ആദ്യ ഭാര്യ നടത്തിയ വെളിപ്പെടുത്തലിന്റെ അടിസ്ഥാനത്തിലാണ് കേസ്. ധർമ്മടം പൊലീസാണ് കേസെടുത്തത്.ഷാക്കിർ സുബാനെതിരെ ഗുരുതര ആരോപണങ്ങളായിരുന്നു ആദ്യ ഭാര്യ നടത്തിയത്. ഗർഭിണിയായിരുന്ന സമയത്ത് തന്നെ ക്രൂര പീഡനത്തിന് ഇരയാക്കി. കുടുംബത്തിലെ പല സ്ത്രീകളുടേയും ഒളിക്യാമറ ദൃശ്യങ്ങൾ പകർത്തി ബ്ലാക്ക് മെയിൽ ചെയ്ത് ഷാക്കിർ ഉപദ്രവിച്ചു. നിരവധി പെൺകുട്ടികൾ ഷാക്കിറിന്റെ കെണിയിൽ പെട്ടുവെന്ന് അറിഞ്ഞതിന്റെ പശ്ചാത്തലത്തിലാണ് വെളിപ്പെടുത്തലെന്നും സമൂഹമാധ്യമങ്ങളിലൂടെ തന്നെ അപകീർത്തിപ്പെടുത്തിയതിന് ഷാക്കിറിനെതിരെ നിയമ നടപടിയുമായി മുന്നോട്ട് പോകുമെന്നും യുവതി റിപ്പോർട്ടറിനോട് പറഞ്ഞിരുന്നു.
ലൈംഗികമായി ഉപദ്രവിച്ചു. 24 ാം വയസിലാണ് ആദ്യമായി അബോർഷൻ നടന്നത്. അപ്പോൾ എത്രാമത്തെ വയസ്സിലാണ് തന്റെ വിവാഹം ന ടന്നതെന്ന് മനസ്സിലായില്ലേ. ഗർഭിണിയായിരുന്ന സമയത്ത് നിർബന്ധിച്ച് ബിയർ കഴിപ്പിച്ചു എന്നതുൾപ്പെടെയുള്ള ഗുരുതര ആരോപണങ്ങളും ഉന്നയിച്ചിരുന്നു
