പനമരത്ത് ലോറി സ്കൂട്ടറിൽ തട്ടി സ്കൂട്ടർ യാത്രക്കാരൻ മരിച്ചു.

 

WE ONE WAYNAD : പനമരം  ദാസനക്കരയിൽ വാഹനാപകടത്തിൽ യുവാവ് മരിച്ചു. പയ്യമ്പള്ളി പുതിയിടം കോളനിയിലെ മഹേഷ് (39) ആണ് മരിച്ചത്. ബുധനാഴ്ച രാത്രി ഒൻപത് മണിയോടെയാണ് സംഭവം. പനമരം – പുഞ്ചവയൽ റോഡിൽ വട്ടവയൽ ജങ്ഷനിലായിരുന്നു അപകടം. പനമരം ഭാഗത്തുനിന്ന് വന്ന ലോറി ദാസനക്കരയിൽ നിന്നും പനമരത്തേക്ക് പോവുകയായിരുന്ന സ്കൂട്ടറിൽ തട്ടിയായിരുന്നു അപകടം.സ്‌കൂട്ടർ ഓടിച്ച മഹേഷ് തെറിച്ചു വീണ് ലോറിക്ക് അടിയിൽപെട്ട് ശരീരത്തിൽ ലോറി കയറിയിറങ്ങി. ഉടൻ വയനാട് മെഡി ക്കൽ കോളേജിൽ എത്തിച്ചെങ്കിലും മരണം സംഭവിച്ചു.