അഭിനയത്തിൽ നിന്ന് ഇടവേളയെടുക്കാൻ തൃഷ, നിർമ്മാണ രംഗത്തും രാഷ്ട്രീയത്തിലും സജീവമാകുമെന്ന് റിപ്പോർട്ട്

 

തെന്നിന്ത്യൻ സൂപ്പർ നായിക തൃഷ കൃഷ്ണൻ അഭിനയരംഗത്ത് നിന്ന് താൽക്കാലികമായി ഇടവേളയെടുക്കാൻ ഒരുങ്ങുന്നതായി റിപ്പോർട്ടുകൾ. താരവുമായി അടുത്ത കേന്ദ്രങ്ങളാണ് ഈ വിവരങ്ങൾ പുറത്തുവിട്ടത്. നിലവിൽ കരാർ ഒപ്പുവെച്ചിട്ടുള്ള സിനിമകളുടെ ചിത്രീകരണം പൂർത്തിയായ ശേഷമായിരിക്കും താരം ഇടവേളയിലേക്ക് കടക്കുക എന്നാണ് ലഭിക്കുന്ന സൂചന. വർഷങ്ങളായി സിനിമയിൽ നിറഞ്ഞുനിൽക്കുന്ന പ്രമുഖ താരത്തിന്റെ ഈ പെട്ടെന്നുള്ള ഇടവേള ആരാധകരെയും ഒരേപോലെ അമ്പരപ്പിച്ചിരിക്കുകയാണ്.കഴിഞ്ഞ കുറച്ചുകാലമായി നടിയുടേതായി ഇറങ്ങുന്ന സിനിമകൾ വളരെ കുറവാണ്. വർഷത്തിൽ ഒന്നിലേറെ സിനിമകൾ റീലീസ് ചെയ്യുന്ന തൃഷയുടേതായി പുറത്തിറങ്ങിയ ഒടുവിലെ ചിത്രം കറുപ്പാണ്. എന്നാൽ താരം അഭിനയം പൂർണ്ണമായി ഉപേക്ഷിക്കുകയല്ലെന്നും, വ്യക്തിപരമായ ആവശ്യങ്ങൾക്കും യാത്രകൾക്കുമായി കുറച്ചുനാൾ സിനിമയിൽ നിന്ന് വിട്ടുനിൽക്കുക മാത്രമാണ് ചെയ്യുന്നതെന്നും ബന്ധപ്പെട്ട വൃത്തങ്ങൾ വ്യക്തമാക്കി. പ്രിയതാരത്തിന്റെ ഈ തീരുമാനത്തെക്കുറിച്ച് ഔദ്യോഗിക പ്രതികരണങ്ങൾക്കായി കാത്തിരിക്കുകയാണ് ആരാധകർ.ഈ വർഷം സൂര്യ നായകനായെത്തിയ ‘കറുപ്പ്’ എന്ന ചിത്രമാണ് തൃഷയുടേതായി ഒടുവിൽ പുറത്തിറങ്ങിയ സിനിമ. ഇതുകൂടാതെ ‘ഗർജനൈ’, ‘ചതുരംഗ വേട്ടൈ-2’ എന്നീ ചിത്രങ്ങളാണ് ഇനി പുറത്തിറങ്ങാനിരിക്കുന്നത്. തെന്നിന്ത്യൻ സൂപ്പർതാരം ചിരഞ്ജീവി നായകനാകുന്ന തെലുങ്ക് ചിത്രം ‘വിശ്വംഭര’യാണ് തൃഷയുടെതായി അണിയറയിൽ ഒരുങ്ങുന്ന മറ്റൊരു പ്രധാന സിനിമ.