കോടഞ്ചേരി - കക്കാടംപൊയിൽ റീച്ച് 34 കി. മി സംസ്ഥാന പൊതുമരാമത്ത് വകുപ്പ് നിർമിക്കുന്ന മലയോരപാതയുടെ നിർമാണം പൂർത്തിയായ റീച്ചിന്റെ ഉദ്ഘാടനം ഫെബ്രുവരി 15ന് മുഖ്യമന്ത്രി പിണറായി വിജയൻ നിർവഹിക്കും. 34 കിലോമീറ്റർ ദൈർഘ്യമുള്ള കോടഞ്ചേരി- കക്കാടംപൊയിൽ റീച്ചാണ് ഉദ്ഘാടനം ചെയ്യപ്പെടുന്നത്. 195 കോടി ചെലവിട്ടാണ് റീച്ചിന്റെ പണി പൂർത്തിയാക്കിയത്. കേരള റോഡ് ഫണ്ട് ബോര്ഡാണ് പദ്ധതിയുടെ നിര്വഹണ ഏജന്സി. കൂടരഞ്ഞി സെന്റ് സെബാസ്റ്റ്യന്സ് ഹയര് സെക്കണ്ടറി സ്കൂള് മൈതാനത്ത് വൈകീട്ട് 3ന് നടക്കുന്ന ഉദ്ഘാടന സമ്മേളനത്തില് പൊതുമരാമത്ത് മന്ത്രി പി എ മുഹമ്മദ് റിയാസ് അധ്യക്ഷത വഹിക്കും.
0 Comments