.jpg)
കാഞ്ഞങ്ങാട് :കളമശ്ശേരി ഗവ. മെഡിക്കല്‍ കോളജിലെ എം.ബി.ബി.എസ് വിദ്യാർഥിനി ഹോസ്റ്റല്‍ മുറിയില്‍ തൂങ്ങിമരിച്ച നിലയില്‍. ഹോസ്ദുര്‍ഗ് നീലേശ്വരം സ്വദേശിനി അമ്പിളി (24) ആണ് ഹോസ്റ്റല്‍ മുറിയിലെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്. ശനിയാഴ്ച രാത്രി 11 മണിയോടെയാണ് പെണ്‍കുട്ടിയെ മരിച്ച നിലയില്‍ സഹപാഠികള്‍ കണ്ടത്. നീലേശ്വരം തടിയൻ കൊവ്വലില്‍ പുതിയപുരയില്‍ ചന്ദ്രൻ്റെയും ഗീതയുടെയും മകളായ പി.പി. അമ്പിളിയാണ് മരിച്ചത്, കളമശ്ശേരി ഗവ. മെഡിക്കല്‍ കോളജിലെ മൂന്നാം വര്‍ഷ എം.ബി.ബി.എസ് വിദ്യാര്‍ഥിയാണ് . ശനിയാഴ്ച രാത്രി ഷോപ്പിങ് കഴിഞ്ഞെത്തിയ ഹോസ്റ്റലിലെ സഹപാഠികളാണ് അമ്പിളിയെ മരിച്ച നിലയില്‍ കണ്ടെത്തിയത്. തുടര്‍ന്ന് വിവരം പൊലീസിനെ അറിയിക്കുകയായിരുന്നു. അമ്പിളി മുമ്പും ആത്മഹത്യക്ക് ശ്രമിച്ചിരുന്നതായാണ് വിവരം. പോസ്റ്റുമോര്‍ട്ടം നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു.
WE ONE KERALA -NM
Post a Comment