കെഎസ്ആർടിസിയിൽ ഡ്രൈവർമാരുടെ ക്ഷീണം നിരീക്ഷിക്കാൻ ക്യാമറ

 

ഡ്രൈവർമാർ ഉറങ്ങിപ്പോയി അപകടങ്ങൾ സംഭവിക്കാതിരിക്കാൻ കെ എസ് ആർ ടി സി ബസ്സുകളിൽ സെൻസർ ക്യാമറകൾ സ്ഥാപിക്കുന്നു.ദീർഘദൂര ബസുകളിലാണ് ആദ്യം ക്യാമറകൾ സ്ഥാപിക്കുന്നത്. ഘട്ടം ​ഘട്ടമായി മറ്റ് ബസുകളിലും സൗകര്യം വരും. ഡ്രൈവർമാരുടെ ക്ഷീണം നിരീക്ഷിക്കുന്നതിനാണ് കാമറകൾ സ്ഥാപിക്കുന്നത്.ഇതുവഴി അപകടങ്ങൾ തടയാനാണ് കേരള സംസ്ഥാന റോഡ് ട്രാൻസ്പോർട്ട് കോർപറേഷൻ ലക്ഷ്യമിടുന്നത്.

കെഎസ്ആർടിസി ഇതിനകം തന്നെ പുതിയ പ്രീമിയം സൂപ്പർ ഫാസ്റ്റ് എസി ബസുകളിൽ ക്യാമറകൾ സ്ഥാപിച്ചിട്ടുണ്ട്.

ഡാഷ്‌ബോർഡ് കാമറയ്‌ക്കൊപ്പം ഘടിപ്പിച്ചിരിക്കുന്ന സെൻസർ ക്യാമറ അപാകതകൾ കണ്ടെത്തുമ്പോൾ ബീപ്പ് ശബ്ദങ്ങൾ വഴി തത്ക്ഷണ മുന്നറിയിപ്പ് അയക്കും.

തിരുവനന്തപുരത്ത് കെഎസ്‌ആർടിസി ആസ്ഥാനത്തുള്ള സെൻട്രൽ കമാൻഡ് സെന്ററിലാണ് മുന്നറിയിപ്പ് എത്തുക. അതുവഴി തത്സമയ നിരീക്ഷണം സാധ്യമാകും.