മോഷണക്കുറ്റം: ബിഗ് ബോസ് താരത്തെ വിമാനത്താവളത്തിൽ നിന്ന് കസ്റ്റഡിയിലെടുത്തു

താജിക്കിസ്ഥാനി ഗായകനും ബി​ഗ്ബോസ് താരവുമായ അബ്ദു റോസികിനെ കസ്റ്റഡിയിലെടുത്ത് പൊലീസ്. ശനിയാഴ്ച ദുബായ് അന്താരാഷ്ട്ര വിമാനത്താവളത്തിൽ നിന്നാണ് താരത്തെ പൊലീസ് കസ്റ്റഡിയിലെടുത്തതായി റോസിക് മാനേജിംഗ് കമ്പനി ഖലീജ് സ്ഥിരീകരിച്ചത്. മോണ്ടിനെഗ്രോയിൽ നിന്ന് ദുബായിൽ എത്തിയതിന് തൊട്ടുപിന്നാലെ, ശനിയാഴ്ച 5 മണിയോടെയാണ് റോസിക്കിനെ അധികൃതർ കസ്റ്റഡിയിലെടുത്തത്. പരാതിയുടെ പ്രത്യേക സ്വഭാവം വെളിപ്പെടുത്തിയിട്ടില്ല, കൂടാതെ അധികാരികൾ ഔദ്യോഗിക പ്രസ്താവനയൊന്നും പുറപ്പെടുവിച്ചിട്ടില്ലെന്നും റിപ്പോർട്ടിൽ പറയുന്നു.

“മോഷണക്കുറ്റം ചുമത്തി അദ്ദേഹത്തെ കസ്റ്റഡിയിലെടുത്തിട്ടുണ്ടെന്ന് അറിയാമെന്ന് മാത്രമേ പറയാൻ കഴിയൂ” എന്നാണ് കൂടുതൽ വിവരങ്ങൾ നൽകാൻ വിസമ്മതിച്ചുകൊണ്ട് കമ്പനി പ്രതിനിധി ഖലീജ് ഒരു മാധ്യമത്തോട് പ്രതികരിച്ചു.

ബിഗ് ബോസ് 16 ഉൾപ്പെടെയുള്ള സംഗീതം, വൈറൽ വീഡിയോകൾ, റിയാലിറ്റി ടെലിവിഷൻ പരിപാടികൾ എന്നിവയിലൂടെയാണ് റോസിക്കിന്റെ ജനപ്രീതി വർധിച്ചത്. ഓഹി ദിലി സോർ, ചാക്കി ചാക്കി ബോറോൺ, മോഡാർ എന്നിവയുൾപ്പെടെ വിവിധ ഗാനങ്ങൾ ആലപിച്ച പ്രശസ്ത താജിക്കിസ്ഥാൻ ഗായകനാണ് റോസിക്. 2022-ൽ, യുണൈറ്റഡ് അറബ് എമിറേറ്റ്‌സിലെ അബുദാബിയിൽ നടന്ന 22-ാമത് ഐഐഎഫ്എ അവാർഡ് ദാന ചടങ്ങിൽ പങ്കെടുക്കാൻ അദ്ദേഹത്തെ ക്ഷണിച്ചു, അവിടെ അദ്ദേഹം 1994-ൽ പുറത്തിറങ്ങിയ 1942: എ ലവ് സ്റ്റോറി എന്ന ചിത്രത്തിലെ “ഏക് ലഡ്കി കോ ദേഖ തോ ഐസ ലഗ” എന്ന ഹിന്ദി ഗാനം ആലപിച്ചു. 2024-ൽ, ഒരു ഹോസ്പിറ്റാലിറ്റി സ്ഥാപനം ഉൾപ്പെട്ട കള്ളപ്പണം വെളുപ്പിക്കൽ അന്വേഷണത്തിൽ ഇന്ത്യയുടെ എൻഫോഴ്‌സ്‌മെന്റ് ഡയറക്ടറേറ്റും അദ്ദേഹത്തെ ചോദ്യം ചെയ്തു, എന്നാൽ അദ്ദേഹത്തെ പ്രതിയാക്കിയില്ല റിപ്പോർട്ട് ഉണ്ട്.