ആഡംബരത്തിന്റെ കൊടുമുടിയിൽ ജീവിക്കുന്ന താരങ്ങളുണ്ട്. പ്രത്യേകിച്ച് ബോളിവുഡിൽ. സുഖസൗകര്യങ്ങളുടെ കാര്യത്തിലായാലും തിരഞ്ഞെടുക്കുന്ന വസ്ത്രങ്ങളുടെ കാര്യത്തിലായാലും അതീവ ശ്രദ്ധയോടെ ഓരോ നീക്കവും നടത്തുന്നവർ. എന്നിരുന്നാലും പാപ്പരാസികളുടെ കണ്ണുവെട്ടിച്ച് പുറത്തേക്കിറങ്ങാൻ പോലും സാധിച്ചെന്ന് വരില്ല ഇവരിൽ പലർക്കും. അതുകൊണ്ട് തന്നെ ഇവർ എവിടെ പോകുന്നു, ആരെ കാണുന്നു, എന്ത് ധരിക്കുന്നു എന്നൊക്കെയുള്ളത് ഞൊടിയിടയിൽ പുറംലോകം അറിയുകയും ചെയ്യും.
ബോളിവുഡ് സെലിബ്രിറ്റികൾ ഏത് പബ്ലിക് അപ്പിയറൻസുകളിലും തങ്ങളുടെ വസ്ത്രധാരണത്തിൽ പ്രത്യേക ശ്രദ്ധ നൽകുന്നവരാണ്. ഇത്തരം ഇവന്റുകൾക്ക് പലപ്പോഴും ഇവരെല്ലാം പ്രത്യേക ഡിസൈനർമാരുടെ വസ്ത്രങ്ങൾ ധരിച്ചാകും എത്തുക. ധരിച്ച വസ്ത്രം വീണ്ടും ധരിക്കാതിരിക്കാനും ഇവർ പ്രത്യേകം ശ്രദ്ധിക്കാറുണ്ട്. എന്നാൽ ഇതിൽനിന്നെല്ലാം തികച്ചും വ്യത്യസ്തയാകുകയാണ് ബോളിവുഡിലെ പ്രിയതാരം ആലിയ ഭട്ട്. ഒരിക്കൽ ധരിച്ച വസ്ത്രം വീണ്ടും ധരിച്ച് ഇതിന് മുമ്പും താരത്തെ കണ്ടിട്ടുണ്ട്. ഇപ്പോഴിതാ തന്റെ വിവാഹത്തോടനുബന്ധിച്ച് നടന്ന മെഹന്ദി ചടങ്ങിൽ ആലിയ ധരിച്ച അതെ പിങ്ക് ലെഹങ്ക വീണ്ടും മറ്റൊരു ഇവന്റിൽ ധരിച്ചാണ് താരം ശ്രദ്ധ നേടിയത്.
0 تعليقات